فوتو: Gov.kz
تٷركٸستان وبلىسىندا حالىقتى جەرگٸلٸكتٸ ازىق-تٷلٸك ٶنٸمدەرٸمەن قامتاماسىز ەتۋ ماقساتىندا 100-گە جۋىق اۋىل شارۋاشىلىعى تاۋارىن ٶندٸرۋشٸمەن نيەت شارتى جاسالدى. جاۋاپتىلار فورۆاردتىق كەلٸسٸمشارت جاساسۋدىڭ تيٸمدٸ تۇستارىن ايتىپ بەردٸ, دەپ حابارلايدى «ۇلت اقپارات».
تٷركٸستان وبلىسىندا اۋىل شارۋاشىلىعى تاۋارىن ٶندٸرۋشٸلەرمەن ەرتە پٸسەتٸن كٶكٶنٸستەردٸ ساتىپ الۋ بويىنشا جيىن ٶتتٸ. كەزدەسۋدە فورۆاردتىق كەلٸسٸمشارت جاساسۋدىڭ تيٸمدٸ تۇستارى تالقىلاندى.
شايمەردەن احمەتوۆ, اۋىل شارۋاشىلىعى ٶنٸمدەرٸن قايتا ٶڭدەۋ دەپارتامەنتٸ ديرەكتورىنىڭ ورىنباسارى: «شارۋاعا الدىن الا قاراجات تٶلەنەدٸ. سوسىن شارۋا سول قاراجاتتى پايدالانادى. نەسيە الىپ, پايىزىن تٶلەپ جاتپايدى. سول قاراجاتتى الىپ, ٶنٸمدٸ ٶندٸرٸپ, سودان كەيٸن شىعارعان ٶنٸمٸن ناقتى جەتكٸزەتٸن ورنى بار. ساتۋشىنى ٸزدەپ وتىرمايدى. قاراجات تا ارزان كەلٸپ وتىر, ٶتكٸزۋ نارىعى دا بەلگٸلٸ بولىپ وتىر. سوندىقتان وسىنداي شارتپەن جاساساق دەگەن ۇسىنىسىمىز بار».
كەزدەسۋدە جاۋاپتى باسقارما باسشىلارىمەن قاتار, تٷركٸستان وبلىسىندا ەرتە پٸسەتٸن كٶكٶنٸستەردٸ ەگەتٸن ٶڭٸر شارۋالارى باس قوستى. جيىندا ەلٸمٸزدٸڭ بارلىق ايماعىندا ەلەۋمەتتٸك ماڭىزى بار ٶنٸمدەردٸڭ تيٸمتٸ باعادا ساتىلۋىن قامتاماسىز ەتۋ مەسەلەسٸ دە كٶتەرٸلدٸ.
نۇربەك بادىراقوۆ, تٷركٸستان وبلىستىق اۋىل شارۋاشىلىعى باسقارماسىنىڭ باسشىسى: «كەلەر جىلدىڭ ٶزٸندە الدىن الا بولجامدىق ەسەپ بويىنشا, 200 توننا قىرىققابات, 40 مىڭ تونناعا جۋىق سەبٸز, 20 مىڭ توننا پيياز, 150 مىڭ توننا كارتوپ ەرتە پٸسەتٸن ٶنٸمدەرمەن ەگٸس قۇرىلىمىن بەكٸتٸپ وتىرمىز. بۇل ٶز كەزەگٸندە كٶكتەمنٸڭ ەرتە مەزگٸلدەرٸندە سولتٷستٸك ٶڭٸرلەردە, ەلٸمٸزدٸڭ بارلىق ٶڭٸرلەرٸندە ەلەۋمەتتٸك ماڭىزى بار ٶنٸمدەردٸڭ تيٸمدٸ باعادا ساتىلۋىن قامتاماسىز ەتۋگە قول جەتكٸزٸلەدٸ».
جيىن بارىسىندا حالىقتى جەرگٸلٸكتٸ ازىق-تٷلٸك ٶنٸمدەرٸمەن قامتاماسىز ەتۋ ماقساتىندا 100-گە جۋىق اۋىل شارۋاشىلىعى تاۋارىن ٶندٸرۋشٸمەن نيەت شارتى جاسالدى.
