Túrkistan oblysynyń politseileri bir ai buryn iz-túzsiz joǵalyp, halyqaralyq izdeý jariialanǵan jas kelinshekti jedel-izdestirý jumystary nátijesinde aman-esen tapty, - dep habarlaidy Tengrinews.kz.
Eske salaiyq, Túrkistan oblysy Saýran aýdanyndaǵy politsiia bólimine joǵalyp ketken kelinshektiń anasy aryzdanǵan. Ol aryzynda qyzy aýrýhanaǵa ketetinin aityp, úiden shyǵyp, iz-túzsiz joǵalyp ketkenin aitqan.
Joǵalǵan kelinshekti jedel izdestirý maqsatynda Túrkistan oblysy PD basshysy, politsiia general-maiory Murat Qabdenov birqatar tapsyrma berip, bul derekti jeke baqylaýyna aldy. Túrkistan oblysy PD basshysynyń orynbasary Qurmanbek Sahovtyń basshylyǵymen tájiribeli politseiler izdeý jumystarymen ainalysty. Sonymen qatar, izdeý jumystarymen qalalyq jáne aýdandyq politsiia departamenti bólimderiniń qyzmetkerleri ainalysqan.
Taraz, Qyzylorda, Shymkent jáne Almaty politseileri de izdeý jumystaryna kirisken bolatyn. Kelinshekke halyqaralyq izdeý de jariialandy.
Osylaisha, kúni-túni muqiiat júrgizilgen izdestirý jumystary nátijesinde Nazym Aldash Jambyl oblysynyń Jańatas qalasynan tabyldy. Politseiler Nazymnyń azamattyq jubaiymen birge bolǵanyn anyqtady. Qazirgi ýaqytta jas kelinshektiń joǵalý sebepteri tekserilip jatyr.
