Foto: Polisia.kz
Ishki ister organdarynyń qyzmetkerleri Túrkistan oblysynda ekstremistik materialdardy taratyp, dini alaýyzdyqty qozdyrýǵa tyrysqan kúdiktilerdi ustady, - dep habarlaidy Ult.kz Polisia.kz-ke silteme jasap.
Ekstremizmge qarsy is-qimyl bólinisiniń qyzmetkerleri UQK-men birlesip, quramynda Maqtaaral aýdanynyń turǵyndary bar radikaldy dini toptyń qylmystyq áreketin toqtatty.
- Jedel-izdestirý is-sharalary barysynda kúdiktilerdiń bul topqa radikaldy dini kózqarastary boiynsha birikkeni anyqtaldy. Olar áleýmettik jelilerde basqa dindegi azamattardyń qadir-qasietin jáne dini sezimderin qorlaityn sózder jariialap otyrǵan. Sot buryn ekstremistik dep tanyǵan aýdio jáne beinematerialdardy halyq arasynda taratqan, - dedi IIM-de.
Kúdiktilerdiń turǵylyqty jeri men jumys oryndaryn tintý barysynda 20-dan astam dini ádebiet, esirtki quraldary, oq-dáriler, zańsyz saqtalǵan qarý jáne basqa da zattai aiǵaqtar tárkilendi. Top jetekshileri sottyń sanktsiiasymen qamaýǵa alyndy.
- Jasalǵan qylmystyq áreketterdiń barlyq mán-jaiyn anyqtaýǵa baǵyttalǵan jedel-tergeý is-sharalary jalǵasýda, - dep atap ótti politsiia vedomstvosy.
