Arnaiy operatsiia barysynda bopsalaýmen ainalysqan uiymdasqan qylmystyq top músheleri ustaldy, dep habarlaidy Túrkistan oblysy PD-niń baspasóz qyzmeti.
Túrkistan oblystyq Politsiia departamentine Qazyǵurt aýdanynyń turǵyny aryzdanǵan. Aýyl turǵyny úsh er adam ony qorqytyp, shamamen 4 000 000 teńge aqsha talap etkenin aitty. Atalǵan jaitty politsiia qyzmetkerleri SDTBT-ǵa «bopsalaý» baby boiynsha tirkedi.
Qylmystyń aýyrlyǵyn eskere otyryp, Politsiia departamenti men UQKD jedel bólimshelerdiń tájiribeli qyzmetkerlerinen birden birlesken top quryldy. Barlyq qajetti jedel-izdestirý is-sharalary júrgizildi, atqarylǵan jumystar aiasynda osy qylmysqa qatysy bar adamdar anyqtaldy. Olardyń barlyǵy uiymdasqan qylmystyq top músheleri bolyp shyqty.
Birlesken jedel is-sharalardyń nátijesinde turǵylyqty jeri boiynsha 9 adam ustaldy, olar Qazyǵurt, Keles jáne Saryǵash aýdandarynyń turǵyndary.
Kúdiktilerdiń 4-i uiymdasqan qylmystyq toptardyń músheleri, al úsheýi buryndary buzaqylyq, adamdy urlaý jáne terroristik áreketti uiymdastyrý maqsatynda adamdardy tartý úshin sottalǵandary anyqtaldy.
Qazirgi ýaqytta Túrkistan oblysy PD Tergeý basqarmasy osy iske bailanysty tiianaqty tergeý jumystarymen ainalysýda. Búginde tórteýi sotpen qamaýǵa alyndy, 5-eýi qolhatta. Kúdiktilerdiń biriniń úiin tintý kezinde jedel ýákilder nómirlik belgisi zaqymdalǵan sholaq myltyq pen metall kastetti taýyp, tárkiledi.
Tergeýshiler oqiǵanyń barlyq mán-jaiyn anyqtap, qylmystyq toptyń basqa da qylmystarǵa qatystylyǵyn tekserýde.
