Foto: jcomp/Freepik
Túrkistan oblysynda balalarǵa zorlyq jasady degen kúdikke ilingen turǵyn ustaldy, dep habarlaidy "Ult aqparat" Túrkistan oblysy politsiia departamenti bastyǵyna silteme jasap.
"Túrkistan oblysynyń politseileri 33 jastaǵy aýyl turǵyny tarapynan kámeletke tolmaǵan qyzdarǵa qatysty quqyqqa qaishy áreketter jasaý faktisi boiynsha eki jergilikti turǵynnyń aryzyna sáikes sotqa deiingi tergeý júrgizip jatyr.
Túrkistan oblysy PD bastyǵy retinde, meniń tapsyrmam boiynsha arnaiy jedel-tergeý toby quryldy. QR QK-niń 120-baby 4-bóligi "zorlaý" boiynsha qylmystyq is qozǵaldy. Barlyq mán-jaidy anyqtaý úshin qajetti is-sharalardyń barlyǵy júrgizilýde" - dep jazdy Murat Qabdenov Facebook paraqshasynda.
Jedel-izdestirý is-sharalary barysynda qylmys jasady degen kúdikpen Otyrar aýdanynyń turǵyny ustalyp, qamaýǵa alynǵan.
"Er adam óz kinásin moiyndady. Qazirgi ýaqytta tergeý amaldary jalǵasyp jatyr. Tiisti saraptamalardyń barlyǵy taǵaiyndaldy.
Istiń tergelýi - meniń jeke baqylaýymda.
Mundai jaittar boiynsha mindetti túrde jiti baqylaý bolady, sondyqtan sabyr saqtap zań aiasynda tergeý nátijesin kútýlerińizdi suraimyn" - deidi PD bastyǵy.
Aita keteri, buǵan deiin zańger Aiman Omarova óziniń áleýmettik jelidegi paraqshasynda Túrkistan oblysynyń turǵyndarynan kelip túsken shaǵym týraly aitty. Ondaǵy málimetke qaraǵanda, "Túrkistan oblysynyń turǵyny kámeletke tolmaǵan jeti qyzdy zorlaǵan". Bul jóninde qyzdardyń analary shaǵym túsirgen.
"Bizge Túrkistan oblysynyń turǵyndary "One-Stop-Service" jobasyna júgindi, ár túrli otbasylardan shyqqan keminde 7 qyz 1993 jyly týǵan er adam tarapynan jynystyq zorlyq-zombylyqqa ushyraǵan. Olardyń barlyǵy bir turǵyn úide jáne bir podezde turǵan", - dep jazdy Aiman Omarova.
Omarova zorlyq-zombylyq faktileri týraly balalar ombýdsmeni Dinara Zakievaǵa da habarlasqanyn jazǵan.
