Túrkistan oblysynyń politseileri turǵyndardy aldap, alaiaqtyq jolmen 80 million teńge alǵan kúdikti áieldi qolǵa túsirdi, dep habarlaidy Polisia.kz saity.
Sozaq APB-ne jergilikti turǵyn alaiaqtyń qurbany bolǵandyǵy týraly aryz túsirgen. Jábirlenýshi áieldiń aitýynsha, syrttai tanysy memleket tarapynan qaitarymsyz nesie alyp beremin dep senimine kirip, alaiaqtyq jolmen 4,5 million teńgeden astam aqshasyn zańsyz iemdenip ketkenin kórsetken. Tártip saqshylary atalǵan jaitty QR QK-niń 190-baby (Alaiaqtyq) boiynsha SDTBT-ǵa tirkedi.
Aryzdanýshylardyń shaǵymyna sáikes, oryn alǵan alaiaqtyq qylmysyn ashyp, kúdiktini anyqtaý maqsatynda Sozaq APB-nyń tergeý bólimshesiniń qyzmetkerleri qajetti is-sharalardy júrgizdi.
Tekserý nátijesinde, politseiler osy qylmysqa qatysty kúdiktini anyqtap, ony turǵylyqty meken-jaiynan ustady. Qazirgi tańda kúdikti jas áiel qamaýǵa alynyp, tergeý amaldary júrgizilýde.
Sondai-aq APB bastyǵynyń tergeý jónindegi orynbasary Asylmurat Tursynbekov pen tergeýshi Dosjan Janseit bastaǵan tergeý toby jan-jaqty jumys jasap, kúdiktige jasaǵan qylmysty moiyndatý úshin naqty aiǵaqtar tapty.
Sonymen qatar onyń 50-den astam osyndai jaitqa qatystylyǵy anyqtaldy. Tájiribeli tergeýshiler kúdikti azamatshanyń jábirlenýshilerdiń árqaisysynan 350 myń teńgeden bastap, 4 550 000 teńgege deiin alaiaqtyq jolmen aqsha alyp júrgenin ashty.
Olarǵa keltirilgen jalpy shyǵyn kólemi 80 million teńgeni qurap otyr. Qazirgi tańda tergeý bóliminiń qyzmetkerlerimen kúdiktiniń budan basqa da jaittarǵa qatystylyǵy anyqtalýda.
