تٷركٸستان وبلىسىنىڭ پوليتسەيلەرٸ تۇرعىنداردى الداپ, الاياقتىق جولمەن 80 ميلليون تەڭگە العان كٷدٸكتٸ ەيەلدٸ قولعا تٷسٸردٸ, دەپ حابارلايدى Polisia.kz سايتى.
سوزاق اپب-نە جەرگٸلٸكتٸ تۇرعىن الاياقتىڭ قۇربانى بولعاندىعى تۋرالى ارىز تٷسٸرگەن. جەبٸرلەنۋشٸ ەيەلدٸڭ ايتۋىنشا, سىرتتاي تانىسى مەملەكەت تاراپىنان قايتارىمسىز نەسيە الىپ بەرەمٸن دەپ سەنٸمٸنە كٸرٸپ, الاياقتىق جولمەن 4,5 ميلليون تەڭگەدەن استام اقشاسىن زاڭسىز يەمدەنٸپ كەتكەنٸن كٶرسەتكەن. تەرتٸپ ساقشىلارى اتالعان جايتتى قر قك-نٸڭ 190-بابى (الاياقتىق) بويىنشا سدتبت-عا تٸركەدٸ.
ارىزدانۋشىلاردىڭ شاعىمىنا سەيكەس, ورىن العان الاياقتىق قىلمىسىن اشىپ, كٷدٸكتٸنٸ انىقتاۋ ماقساتىندا سوزاق اپب-نىڭ تەرگەۋ بٶلٸمشەسٸنٸڭ قىزمەتكەرلەرٸ قاجەتتٸ ٸس-شارالاردى جٷرگٸزدٸ.
تەكسەرۋ نەتيجەسٸندە, پوليتسەيلەر وسى قىلمىسقا قاتىستى كٷدٸكتٸنٸ انىقتاپ, ونى تۇرعىلىقتى مەكەن-جايىنان ۇستادى. قازٸرگٸ تاڭدا كٷدٸكتٸ جاس ەيەل قاماۋعا الىنىپ, تەرگەۋ امالدارى جٷرگٸزٸلۋدە.
سونداي-اق اپب باستىعىنىڭ تەرگەۋ جٶنٸندەگٸ ورىنباسارى اسىلمۇرات تۇرسىنبەكوۆ پەن تەرگەۋشٸ دوسجان جانسەيت باستاعان تەرگەۋ توبى جان-جاقتى جۇمىس جاساپ, كٷدٸكتٸگە جاساعان قىلمىستى مويىنداتۋ ٷشٸن ناقتى ايعاقتار تاپتى.
سونىمەن قاتار ونىڭ 50-دەن استام وسىنداي جايتقا قاتىستىلىعى انىقتالدى. تەجٸريبەلٸ تەرگەۋشٸلەر كٷدٸكتٸ ازاماتشانىڭ جەبٸرلەنۋشٸلەردٸڭ ەرقايسىسىنان 350 مىڭ تەڭگەدەن باستاپ, 4 550 000 تەڭگەگە دەيٸن الاياقتىق جولمەن اقشا الىپ جٷرگەنٸن اشتى.
ولارعا كەلتٸرٸلگەن جالپى شىعىن كٶلەمٸ 80 ميلليون تەڭگەنٸ قۇراپ وتىر. قازٸرگٸ تاڭدا تەرگەۋ بٶلٸمٸنٸڭ قىزمەتكەرلەرٸمەن كٷدٸكتٸنٸڭ بۇدان باسقا دا جايتتارعا قاتىستىلىعى انىقتالۋدا.
