Almaty oblysynyń politseileri Túrkistan oblysynda iz-túzsiz joǵalyp ketken syrqat qyzdy Qaskeleńnen taýyp, jaqyndaryna tabystady, dep habarlaidy "Ult aqparat".
«Kóktemde Túrkistan oblysynda iz-túzsiz joǵalyp ketken 26 jastaǵy qyz Qarasai aýdanynyń aýmaǵynan tabylyp, aman-esen ata-anasyna tabystaldy», - delingen Almaty oblysy PD baspasóz qyzmeti taratqan habarlamada.
Politsiia Qaskeleń qalasynyń kóshesinde júris-turysy kúdik týdyrǵan boijetkendi baiqaǵan. Onyń aty-jónin aita almaityn naýqas jan ekeni anyqtalyp, aýdandaǵy pansionattardyń birine jetkizilgen.
«Alǵash kórgende qatty sharshaǵan, emotsionaldyq jaǵdaiy nashar bolǵandyqtan pansionatqa apardyq. Izdeý bazalary arqyly onyń sýretin taratyp, turǵylyqty mekenjaiyn anyqtaýǵa tyrystyq. Nátije bolmady. Eki kúnnen keiin kelip, qaita-qaita aty-jónin suraý kezinde ol aty men teginiń alǵashqy áripterin ǵana aita aldy»,- dedi Qarasai aýdany Politsiia basqarmasy KPB jedel ýákili Aidos Sadyqov.
Joǵalǵan boijetkenniń aty-jónin boljam boiynsha derekqorynan tekserildi. Kóktemde Túrkistan oblysynda 1994 jyly týǵan áiel adamnyń iz-túzsiz joǵalýyna bailanysty izdeý jariialanǵany anyqtaldy.
Qarasai aýdanynyń politseileri ońtústiktegi áriptesterine habar berip, ata-anasy qyzdaryn alyp ketken.
Naýqasyna bailanysty aýladan shyǵyp ketip, úiin taba almai qalǵan perzentin taýyp bergen aýdandyq politseilerge alǵys aitty.
