الماتى وبلىسىنىڭ پوليتسەيلەرٸ تٷركٸستان وبلىسىندا ٸز-تٷزسٸز جوعالىپ كەتكەن سىرقات قىزدى قاسكەلەڭنەن تاۋىپ, جاقىندارىنا تابىستادى, دەپ حابارلايدى "ۇلت اقپارات".
«كٶكتەمدە تٷركٸستان وبلىسىندا ٸز-تٷزسٸز جوعالىپ كەتكەن 26 جاستاعى قىز قاراساي اۋدانىنىڭ اۋماعىنان تابىلىپ, امان-ەسەن اتا-اناسىنا تابىستالدى», - دەلٸنگەن الماتى وبلىسى پد باسپاسٶز قىزمەتٸ تاراتقان حابارلامادا.
پوليتسييا قاسكەلەڭ قالاسىنىڭ كٶشەسٸندە جٷرٸس-تۇرىسى كٷدٸك تۋدىرعان بويجەتكەندٸ بايقاعان. ونىڭ اتى-جٶنٸن ايتا المايتىن ناۋقاس جان ەكەنٸ انىقتالىپ, اۋدانداعى پانسيوناتتاردىڭ بٸرٸنە جەتكٸزٸلگەن.
«العاش كٶرگەندە قاتتى شارشاعان, ەموتسيونالدىق جاعدايى ناشار بولعاندىقتان پانسيوناتقا اپاردىق. ٸزدەۋ بازالارى ارقىلى ونىڭ سۋرەتٸن تاراتىپ, تۇرعىلىقتى مەكەنجايىن انىقتاۋعا تىرىستىق. نەتيجە بولمادى. ەكٸ كٷننەن كەيٸن كەلٸپ, قايتا-قايتا اتى-جٶنٸن سۇراۋ كەزٸندە ول اتى مەن تەگٸنٸڭ العاشقى ەرٸپتەرٸن عانا ايتا الدى»,- دەدٸ قاراساي اۋدانى پوليتسييا باسقارماسى كپب جەدەل ۋەكٸلٸ ايدوس سادىقوۆ.
جوعالعان بويجەتكەننٸڭ اتى-جٶنٸن بولجام بويىنشا دەرەكقورىنان تەكسەرٸلدٸ. كٶكتەمدە تٷركٸستان وبلىسىندا 1994 جىلى تۋعان ەيەل ادامنىڭ ٸز-تٷزسٸز جوعالۋىنا بايلانىستى ٸزدەۋ جارييالانعانى انىقتالدى.
قاراساي اۋدانىنىڭ پوليتسەيلەرٸ وڭتٷستٸكتەگٸ ەرٸپتەستەرٸنە حابار بەرٸپ, اتا-اناسى قىزدارىن الىپ كەتكەن.
ناۋقاسىنا بايلانىستى اۋلادان شىعىپ كەتٸپ, ٷيٸن تابا الماي قالعان پەرزەنتٸن تاۋىپ بەرگەن اۋداندىق پوليتسەيلەرگە العىس ايتتى.
