1-8 aqpan aralyǵynda Túrkistan oblysynda 840-qa jýyq meditsina qyzmetkeri Covid-19-ǵa qarsy ekpe saldyrdy, dep habarlaidy "Ult aqparat".
Sońǵy bir táýlik ishinde Túrkistan oblysy boiynsha koronavirýs infektsiiasyn juqtyrýdyń 7 jaǵdaiy rastaldy.
COVID-19 infektsiiasynyń kúndelikti ósý deńgeii 0,16% tóńireginde. Pandemiia bastalǵaly beri óńirde 4176 jaǵdaiy tirkeldi.
Onyń 2682-si simptomsyz bolyp, 1 671-i statsionarlyq em qabyldady.
Búgingi kúni KVI-ǵa qarsy vaktsinatsiia Reseide shyǵarylatyn Sputnik V vaktsinasynyń kómegimen júzege asyrylady.
Koronavirýstyq vaktsinany eki kezeńmen 21 kún aralyǵynda jasaý mindetti.
Oǵan sebep, birinshi doza antidenelerdiń az mólsherin óndirýge bailanysty qysqamerzimdi qorǵanys áserin beredi.
Ekinshi doza birinshiniń áserin kúsheitedi jáne adam aǵzasyndaǵy antidenelerdiń mólsheri artady.
Esterińizge sala keteiik, Qazaqstanda vaktsinatsiia erikti túrde salynady.
«Halyq densaýlyǵy jáne densaýlyq saqtaý júiesi týraly» Kodekstiń 77-babyna sáikes kez kelgen meditsinalyq protsedýra, onyń ishinde vaktsinatsiialanǵan adamnyń sanaly kelisimimen ǵana júzege asyrylady.
Elimizde egýden bas tartqany úshin ákimshilik nemese qylmystyq jaýapkershilik joq.
