Túrkistan oblysy PD-niń qyzmetkerlerimen dini mazmundaǵy tyiym salynǵan materialdardy zańsyz taratqany úshin 15 jergilikti turǵyn ákimshilik jaýapkershilikke tartylǵan. Sot quqyq buzýshylarǵa qatysty million teńgeden astam ákimshilik aiyppul salǵan, dep habarlaidy "Ult aqparat".
Oblystyq PD baspasóz qyzmetiniń málimetinshe, áleýmettik jelilerge monitoring júrgizý barysynda «VKontakte» qoldanýshylarynyń biriniń paraqshasynan dini sipattaǵy tyiym salynǵan materialdar tabylǵan.
Sot sheshimimen Sairam aýdanynyń turǵyny dini mazmundaǵy tyiym salynǵan materialdardy taratqany úshin QR ÁQBtK-niń 490-babynyń 3-bóligi «Qazaqstan Respýblikasynyń Dini qyzmet jáne dini birlestikter týraly zańnamasyn buzý» boiynsha kináli dep tanylyp, oǵan 194 myń teńge kóleminde ákimshilik aiyppul salynǵan.
PD ekstremizmge qarsy is-qimyl basqarmasynyń qyzmetkerlerimen ǵalamtordy baqylaý kezinde tyiym salynǵan destrýktivti dini aǵymnyń ideologiiasyn taratqan taǵy bir adam tabylǵan. Ol «VKontakte» áleýmettik jelisi arqyly aýdiojazbalar taratyp, dárister uiymdastyrǵan. Osylaisha eldiń tutastyǵyn buzýǵa, memleket qaýipsizdigine nuqsan keltirýge jáne alaýyzdyqty qozdyrýǵa nasihat pen úgit-nasihattar júrgizgen.
«Sot qaýlysymen Túrkistan qalasynyń turǵyny QR ÁQBtK-niń 453-baby 2-bóligi «Qazaqstan Respýblikasynyń aýmaǵynda buqaralyq aqparat quraldarynyń ónimin, sol siiaqty ózge de ónimdi daiyndaý, saqtaý, ákelý, tasymaldaý, taratý« boiynsha kináli dep tanylyp, 55 560 teńge ákimshilik aiyppul salyndy» delingen habarlamada.
