Túrkistan oblysynda shalǵai aýyldardaǵy meshitterde budan bylai jamaǵat bolyp juma namazyn oqýǵa bolady.
Tek saqtyq sharalary men araqashyqtyq eskerilip, syiymdylyǵy 100 adamnan aspaityn meshitterdiń ishi 25-30 paiyz ǵana tolýy shart.
Bul týraly óńirlik kommýnikatsiialar qyzmetinde ótken brifingte oblystyń bas imamy Erkebulan Qaraqulov málimdedi.
Eń mańyzdysy, namaz oqityn ǵimaratty zalalsyzdandyrý sharalaryn júrgizý qajet.
Sondai-aq, paryz namazynyń ótelýinen keiin kóp uzamai meshitti bosatý lázim.
Oblystyq, qalalyq deńgeidegi jáne aýdan ortalyqtaryndaǵy meshitterde juma namazyn oqýǵa ruqsat berilmeidi.
Aldaǵy ýaqytta epidemiologiialyq ahýal turaqty bolǵan jaǵdaida qosymsha ózgerister engizilýi múmkin.
«Qazaqstan musylmandary dini basqarmasyna 30 jyl tolýyna orai, byltyr Bas múfti Naýryzbai qajy Taǵanulynyń tóraǵalyǵymen IV respýblikalyq imamdar forýmy ótti. Alqaly jiynda «Ziiatker imam», «Zirat salý, ziiarat ádebi», «Dastarqan jaiý ádebi» syndy mańyzdy qujattar qabyldanǵan. Sonyń negizinde oblysta jospar túzilip, tiisti jumystar atqarylýda. Túrkistan oblysynda jalpy 750 meshit bar. Ǵibadat úilerinde 1 myńǵa jýyq din ókilderi turǵyndardyń dini saýatyn arttyrýǵa úles qosyp keledi»,- dedi ol.
Jýyrda ǵana Túrkistan oblysynyń bas imamy qyzmetine kirisken Erkebulan Ybraiymuly óńir jurtshylyǵyn pandemiiany báseńdetýge yqpal jasaý qajettigin atap ótti.
Onyń sózinshe, qaza aýyr bolǵanymen sabyr qylyp, janaza rásiminen soń as berýdi ýaqytsha doǵara turǵan jón.
