Túrkistan oblystyq Politsiia departamentiniń esirtki qylmysyna qarsy is-qimyl basqarmasynyń qyzmetkerleri Saryaǵash aýdandyq politsiia bóliminiń qyzmetkerlerimen birlesip, jedel-izdestirý is-sharalary barysynda esirtki saqtaǵan Saryaǵash aýdanynyń turǵynyn ustady.
Polisia.kz saitynyń habarlaýynsha, jedel ýákilder kúdiktiniń úiin tintý kezinde aýladan ósimdik tektes esirtki zaty bar polietilen paketterin tapty. Júrgizilgen saraptamaǵa sáikes, aiǵaqty zat retinde alynǵan esirtki zaty jalpy salmaǵy 13,5 kg-nan asatyn «keptirilgen kóknár» bolyp shyqty.
Atalǵan jait QR QK-niń 296-babynyń 4-bóligi «Esirtki, psihotroptyq zattardy, olardyń analogtaryn ótkizý maqsatynsyz zańsyz qoldaný» boiynsha Saryaǵash aýdandyq politsiia bóliminiń sotqa deiingi tergeýiniń biryńǵai tizilimine tirkeldi.
«Qazirgi ýaqytta politsiia qyzmetkerleri er adamnyń asa iri mólsherde esirtkini qandai maqsatpen saqtaǵanyn anyqtaýda. Kúdikti qamaýǵa alyndy. Tergeý amaldary júrgizilýde»,-delingen habarlamada.
