تٷركٸستان وبلىستىق پوليتسييا دەپارتامەنتٸنٸڭ ەسٸرتكٸ قىلمىسىنا قارسى ٸس-قيمىل باسقارماسىنىڭ قىزمەتكەرلەرٸ سارىاعاش اۋداندىق پوليتسييا بٶلٸمٸنٸڭ قىزمەتكەرلەرٸمەن بٸرلەسٸپ, جەدەل-ٸزدەستٸرۋ ٸس-شارالارى بارىسىندا ەسٸرتكٸ ساقتاعان سارىاعاش اۋدانىنىڭ تۇرعىنىن ۇستادى.
Polisia.kz سايتىنىڭ حابارلاۋىنشا, جەدەل ۋەكٸلدەر كٷدٸكتٸنٸڭ ٷيٸن تٸنتۋ كەزٸندە اۋلادان ٶسٸمدٸك تەكتەس ەسٸرتكٸ زاتى بار پوليەتيلەن پاكەتتەرٸن تاپتى. جٷرگٸزٸلگەن ساراپتاماعا سەيكەس, ايعاقتى زات رەتٸندە الىنعان ەسٸرتكٸ زاتى جالپى سالماعى 13,5 كگ-نان اساتىن «كەپتٸرٸلگەن كٶكنەر» بولىپ شىقتى.
اتالعان جايت قر قك-نٸڭ 296-بابىنىڭ 4-بٶلٸگٸ «ەسٸرتكٸ, پسيحوتروپتىق زاتتاردى, ولاردىڭ انالوگتارىن ٶتكٸزۋ ماقساتىنسىز زاڭسىز قولدانۋ» بويىنشا سارىاعاش اۋداندىق پوليتسييا بٶلٸمٸنٸڭ سوتقا دەيٸنگٸ تەرگەۋٸنٸڭ بٸرىڭعاي تٸزٸلٸمٸنە تٸركەلدٸ.
«قازٸرگٸ ۋاقىتتا پوليتسييا قىزمەتكەرلەرٸ ەر ادامنىڭ اسا ٸرٸ مٶلشەردە ەسٸرتكٸنٸ قانداي ماقساتپەن ساقتاعانىن انىقتاۋدا. كٷدٸكتٸ قاماۋعا الىندى. تەرگەۋ امالدارى جٷرگٸزٸلۋدە»,-دەلٸنگەن حابارلامادا.
