Foto: gov.kz
Túrkistanda 19 naýryz kúni «Túrkistan – Túrki áleminiń týristik astanasy» taqyrybynda týristik maýsymy ashylmaq. Bul shara óńirdiń týristik áleýetin arttyrý, infraqurylymdy jaqsartý jáne qonaqtarǵa joǵary deńgeide qyzmet kórsetý maqsatynda uiymdastyrylmaq. Bul jaiynda Túrkistan oblystyq týrizm basqarmasynyń basshysy Nurdáýlet Medeýov brifingte málimdedi.
«Biyl óńirimiz úshin tarihi oqiǵa oryn alýda. Túrkistan qalasyna erekshe mártebe berý týraly Zań qabyldandy. Bul qujat - qalanyń halyqaralyq deńgeidegi týristik ortalyqqa ainalýyna úlken múmkindik beredi. Josparǵa sáikes, óńirge keletin týrister sanyn arttyryp, Túrkistannyń mádeni jáne rýhani murasyn keńinen nasihattaý kózdelip otyr» - dedi spiker.
Týristik maýsymnyń ashylý saltanatynda «Jana lep» shyǵarmashylyq ujymy, «Samǵaý» bi ansambli, ulttyq aspaptarda oryndaýshylar, DJ Shamil jáne ózge de ónerpazdar óner kórsetedi. Sondai-aq, ot shoýy, siqyrshylar qoiylymy, baraban shoýy jáne poeziia keshteri ótedi. Is-shara barysynda 2,5 tonna naýryz kóje daiyndalyp, Qazaqstannyń «Kinnes» rekordy jańartylmaq. Sonymen qatar, shaharda 19 naýryz kúni «Túrkistan-túrki áleminiń rýhani astanasy» respýblikalyq týristik forýmy ótedi. Jiynǵa Ortalyq Aziia elderiniń týrizm salasyndaǵy biznes ókilderi, qolónershiler qatysýy josparlanyp otyr.
