Foto: Turkmenportal
Juma, 21 naýryzda Túrkimenstan prezidenti Serdar Berdimuhamedov ministrler kabinetiniń tsifrlyq formattaǵy kezekti otyrysyn ótkizip, onda memleket ómiriniń ózekti máseleleri qaraldy, dep habarlaidy Turkmenportal.
Otyrys barysynda Memlekettik Qaýipsizdik Keńesiniń hatshysy, Túrkimenstan prezidenti janyndaǵy Azamattyq jáne raqymshylyq jasaý máseleleri boiynsha usynystardy daiyndaý jónindegi komissiianyń tóraǵasy B.Gýndogdyev qasietti Qadir túni (Gadyr Gidjesi) merekesine orai sottalǵandarǵa raqymshylyq jasaý jónindegi komissiia jumysynyń qorytyndylary týraly baiandama jasady.
Baiandamany tyńdaǵan prezident Serdar Berdimuhamedov meiirimdilik dástúrin saqtai otyryp, bas bostandyǵynan aiyrý oryndarynda jazasyn ótep jatqan eldiń 321 azamatyna raqymshylyq jasaý týraly jarlyqqa qol qoidy.
Memleket basshysy Komissiia tóraǵasyna quqyq qorǵaý organdarynyń basshylarymen birlesip, raqymshylyq jasalǵan adamdardy ýaqytyly bosatýdy jáne olardyń otbasylaryna qaitarylýyn uiymdastyrýdy tapsyrdy.
Eske sala keteiik, Ashhabadta naýryz aiynyń ortasynda rekordtyq temperatýra tirkeldi.
