فوتو: Turkmenportal
جۇما, 21 ناۋرىزدا تٷركٸمەنستان پرەزيدەنتٸ سەردار بەردٸمۇحامەدوۆ مينيسترلەر كابينەتٸنٸڭ تسيفرلىق فورماتتاعى كەزەكتٸ وتىرىسىن ٶتكٸزٸپ, وندا مەملەكەت ٶمٸرٸنٸڭ ٶزەكتٸ مەسەلەلەرٸ قارالدى, دەپ حابارلايدى Turkmenportal.
وتىرىس بارىسىندا مەملەكەتتٸك قاۋٸپسٸزدٸك كەڭەسٸنٸڭ حاتشىسى, تٷركٸمەنستان پرەزيدەنتٸ جانىنداعى ازاماتتىق جەنە راقىمشىلىق جاساۋ مەسەلەلەرٸ بويىنشا ۇسىنىستاردى دايىنداۋ جٶنٸندەگٸ كوميسسييانىڭ تٶراعاسى ب.گۋندوگدىەۆ قاسيەتتٸ قادٸر تٷنٸ (گادىر گيدجەسي) مەرەكەسٸنە وراي سوتتالعاندارعا راقىمشىلىق جاساۋ جٶنٸندەگٸ كوميسسييا جۇمىسىنىڭ قورىتىندىلارى تۋرالى بايانداما جاسادى.
باياندامانى تىڭداعان پرەزيدەنت سەردار بەردٸمۇحامەدوۆ مەيٸرٸمدٸلٸك دەستٷرٸن ساقتاي وتىرىپ, باس بوستاندىعىنان ايىرۋ ورىندارىندا جازاسىن ٶتەپ جاتقان ەلدٸڭ 321 ازاماتىنا راقىمشىلىق جاساۋ تۋرالى جارلىققا قول قويدى.
مەملەكەت باسشىسى كوميسسييا تٶراعاسىنا قۇقىق قورعاۋ ورگاندارىنىڭ باسشىلارىمەن بٸرلەسٸپ, راقىمشىلىق جاسالعان ادامداردى ۋاقىتىلى بوساتۋدى جەنە ولاردىڭ وتباسىلارىنا قايتارىلۋىن ۇيىمداستىرۋدى تاپسىردى.
ەسكە سالا كەتەيٸك, اشحابادتا ناۋرىز ايىنىڭ ورتاسىندا رەكوردتىق تەمپەراتۋرا تٸركەلدٸ.
