- Túrki dúniesiniń aqsaqaly Elbasynyń esimimen elordany ataý óte oryndy bastama. Búgin QR Parlamenti Májilisiniń jalpy otyrysynan keiin QazAqparat tilshisine depýtat Baqytbek Smaǵul málim etti, dep habarlaidy QazAqparat.
«Bul óte oryndy bastama dep túsingen jón. Búkil demokratiiasy álemge áigili AQSh-ta da eń birinshi osy eldiń irgesin qalaǵan Vashingtonnyń atymen qala atalatyny belgili. Biz táýelsiz sana qalyptastyrý úshin, elimizdiń geografiialyq turǵan ornymyzdyń ereksheligine, qiyndyǵyna bailanysty, halyqtyń azattyqqa degen babalar armanyn, amatyn arqalaýy turǵysynda osy másele qazaq eli úshin óte mańyzdy. Sondyqtan da óziniń terin tókken, eldiń dańqyn álemdik deńgeige kótergen, eldiń yqylasyna kenelgen, parasatty, Túrki dúniesiniń aqsaqaly atanǵan, alysty jaqyndatyp, arazdy dostastyrǵan Elbasymyzdyń aty Qazaqstan halqy úshin erekshe. Osy oraida belesten beleske kóterilý úshin «Máńgilik el» jolynda Táýelsiz Qazaqstannyń astanasy Elbasymyzdyń esimimen atalyp jatsa, bul óte laiyqty bastama»,-dep toqtaldy depýtat.
Osy oraida ol búgin birlesken otyrystaǵy usynylǵan bastamany jaqsy sheshim dep baǵalaitynyn jáne ony halyq túsinedi degen oida ekenin atap ótti. B. Smaǵuldyń paiymynsha, eldiń armanyn aialaǵan, óziniń eńbegin elinen aiamaǵan Elbasynyń esimin halyq laiyqty dárejede ustaýy tiis.
Budan buryn habarlanǵandai, búgin QR Parlamenti palatalarynyń birlesken otyrysynda «Táýelsizdiktiń 25 jyldyǵy Qazaqstan jetistikteriniń deklaratsiiasy» qabyldanyp, onda Elbasynyń esimin elordanyń jáne elimizdiń basqa da nysandarynda kórsetý usynylǵan edi.
.jpeg)