Búgin Halyqaralyq Túrki akademiiasynyń prezidenti Darhan Qydyráli men Qazaqstan Respýblikasynyń Tuńǵysh Prezidenti – Elbasy kitaphanasynyń direktory Baqytjan Temirbolat kezdesip, ózara áriptestik týraly memorandýmǵa qol qoidy.
Kezdesý barysynda taraptar yntymaqtastyqty odan ári damytý jóninde pikir almasty, dep habarlaidy "Ult aqparat" akademiianyń baspasóz qyzmetine silteme jasap.
Atalǵan memorandým taraptarǵa Qazaqstan Respýblikasynyń Tuńǵysh Prezidenti – Elbasy Nursultan Nazarbaevtyń túrki integratsiiasyn qalyptastyrýdaǵy jáne damytýdaǵy rólin zerdeleý boiynsha birlesken ǵylymi-zertteý jobalaryn júzege asyrýǵa múmkindik beredi.
Elbasy kitaphanasynyń direktory Baqytjan Berikbaiuly Túrki akademiiasy tarapynan atqarylyp jatqan jumystardy joǵary baǵalap, Akademiia basshysynyń arnaiy kelýine rizashylyǵyn bildirdi.
Óz kezeginde Túrki akademiiasynyń prezidenti Darhan Qydyráli: «Túrki keńesiniń Qurmetti Tóraǵasy bolyp sanalatyn Nursultan Nazarbaev ideialaryn júzege asyrý Túrki akademiiasynyń da mańyzdy maqsaty. Sondyqtan bul baǵytta Elbasy kitaphanasy bizdiń senimdi seriktesimiz bola alatyny sózsiz» dedi.
Memorandýmǵa saltanatty qol qoiý rásiminen soń Darhan Qydyráli Túrki akademiiasy ár jyldarda shyǵarǵan 70 ǵylymi eńbekti Elbasy kitaphanasy qoryna syiǵa tartty.
