بٷگٸن حالىقارالىق تٷركٸ اكادەميياسىنىڭ پرەزيدەنتٸ دارحان قىدىرەلٸ مەن قازاقستان رەسپۋبليكاسىنىڭ تۇڭعىش پرەزيدەنتٸ – ەلباسى كٸتاپحاناسىنىڭ ديرەكتورى باقىتجان تەمٸربولات كەزدەسٸپ, ٶزارا ەرٸپتەستٸك تۋرالى مەموراندۋمعا قول قويدى.
كەزدەسۋ بارىسىندا تاراپتار ىنتىماقتاستىقتى ودان ەرٸ دامىتۋ جٶنٸندە پٸكٸر الماستى, دەپ حابارلايدى "ۇلت اقپارات" اكادەمييانىڭ باسپاسٶز قىزمەتٸنە سٸلتەمە جاساپ.
اتالعان مەموراندۋم تاراپتارعا قازاقستان رەسپۋبليكاسىنىڭ تۇڭعىش پرەزيدەنتٸ – ەلباسى نۇرسۇلتان نازارباەۆتىڭ تٷركٸ ينتەگراتسيياسىن قالىپتاستىرۋداعى جەنە دامىتۋداعى رٶلٸن زەردەلەۋ بويىنشا بٸرلەسكەن عىلىمي-زەرتتەۋ جوبالارىن جٷزەگە اسىرۋعا مٷمكٸندٸك بەرەدٸ.
ەلباسى كٸتاپحاناسىنىڭ ديرەكتورى باقىتجان بەرٸكبايۇلى تٷركٸ اكادەميياسى تاراپىنان اتقارىلىپ جاتقان جۇمىستاردى جوعارى باعالاپ, اكادەمييا باسشىسىنىڭ ارنايى كەلۋٸنە ريزاشىلىعىن بٸلدٸردٸ.
ٶز كەزەگٸندە تٷركٸ اكادەميياسىنىڭ پرەزيدەنتٸ دارحان قىدىرەلٸ: «تٷركٸ كەڭەسٸنٸڭ قۇرمەتتٸ تٶراعاسى بولىپ سانالاتىن نۇرسۇلتان نازارباەۆ يدەيالارىن جٷزەگە اسىرۋ تٷركٸ اكادەميياسىنىڭ دا ماڭىزدى ماقساتى. سوندىقتان بۇل باعىتتا ەلباسى كٸتاپحاناسى بٸزدٸڭ سەنٸمدٸ سەرٸكتەسٸمٸز بولا الاتىنى سٶزسٸز» دەدٸ.
مەموراندۋمعا سالتاناتتى قول قويۋ رەسٸمٸنەن سوڭ دارحان قىدىرەلٸ تٷركٸ اكادەميياسى ەر جىلداردا شىعارعان 70 عىلىمي ەڭبەكتٸ ەلباسى كٸتاپحاناسى قورىنا سىيعا تارتتى.
