Týrizm jáne sport vitse-ministri Serik Jarasbaev shahmatshy Bibisara Asaýbaevanyń málimdemesine jaýap berdi, dep habarlaidy ult.kz.
Belgili bolǵandai byltyr Bibisara Asaýbaevanyń daiyndyq bary men oqý-jattyǵý jiyndaryna 160 mln teńgeden astam qarajat biýdjet berilgen.
"2026 jyldyń jartysynda Federatsiiamen, qormen, Sportty damytý direktsiiasymen birleskende bir ǵana sportshyǵa 210 mln. teńgedei qarajat bólingen bolatyn. Sondyqtan onyń únemdep óz qarajatyna daiyndalyp jatqan degen málimeti tolyqtai shyndyqqa sai emes. Tek 2026 jyldyń ishinde Týrizm jáne sportty qoldaý qorynan 100 mln. teńge berilgen bolatyn. Sonymen qatar federatsiia tarapynan osy jyldyń basynan bastap, 80 mln. teńge tek daiyndyqqa berilgen bolatyn. Sondai-aq byltyrǵy jyldyń sońynda álem chempionaty bolǵany úshin 25 mln. teńge syiaqy berilgen. Jáne de Respýblikalyq direktsiia arqyly ai saiyn jalaqysy tólenip turady. Ol rasynda da eki jyl buryn eki ese kóp bolǵan. Biraq qazir shahmat basym sport túrlerine kirmegennen keiin biz ony azaittyq. Byltyr arnaiy Prezident qol qoiyp, 46 basym sport túrleri bekitilgen. Sondyqtan osyǵan bailanysty jalaqysy sál azaidy. Biraq qalǵan barlyq qarajat bólinip jatyr", - dedi vitse-ministr.
Eske salaiyq, buǵan deiin tanymal shahmatshy, álemniń birneshe dúrkin chempiony Bibisara Asaýbaeva Memleket basshysyna videoúndeý joldap, kásibi sportshylardy qoldaý máselesine nazar aýdarýdy suraǵan bolatyn. Shahmatshynyń aitýynsha, halyqaralyq jarystarǵa daiyndyq kezinde keibir shyǵyndardy ózi men ata-anasy kóterýge májbúr bolǵan.
