Túrikmenstan Prezidenti Gýrbanguly Berdymuhamedov Túrkitildes memleketteri yntymaqtastyq keńesiniń (Túrki keńesi) Bas hatshysy Baǵdat Ámireevti qabyldady. Kezdesý barysynda taraptar Túrikmenstannyń arnaiy mártebede Túrkitildes memleketteri yntymaqtastyq keńesine kirý múmkindikterin talqylady, dep habarlaidy "Ult aqparat" Keńestiń jelidegi paraqshasyna silteme jasap.
Bas hatshy Baǵdat Ámireev Túrikmenstan prezidentin Túrki keńesiniń sońǵy jańalyqtarynan habardar etip, Ystanbulda 2021 jyldyń 12 qarashasyna josparlanǵan Túrki keńesiniń 8-shi sammiti taqyrybyn qozǵady.
B. Ámireev Túrikmenstan prezidentine Túrki keńesiniń bolashaq strategiialary, Túrki investitsiialyq qoryn qurý jónindegi jańalyqtar, keńes múshesi bolyp tabylmaimyn eldermen qarym-qatynas týraly, sonymen qatar Túrkmenstannyń múshe eldermen túrli salalardaǵy, atap aitqanda ekonomika, saýda, kólik jáne energetikadaǵy yntymaqtastyq múmkindikteri týraly aqparat berdi.
Túrikmenstan basshysy, óz kezeginde, Túrki keńesiniń 8-shi sammitine qatysatynyn rastady. Onyń aitýynsha, kóptegen onjyldyqtar boiy Túrikmenstannyń syrtqy saiasi baǵytynyń negizgi vektory túrki elderimen baýyrlas qarym-qatynastardyń damýy bolyp keledi.
Kezdesý sońynda Túrikmenstannyń Túrki tildes memleketteri yntymaqtastyq keńesine (Túrki keńesi) arnaiy mártebemen kirý múmkindikteri talqylandy.
