تٷرٸكمەنستان پرەزيدەنتٸ گۋربانگۇلى بەردىمۇحامەدوۆ تٷركٸتٸلدەس مەملەكەتتەرٸ ىنتىماقتاستىق كەڭەسٸنٸڭ (تٷركٸ كەڭەسٸ) باس حاتشىسى باعدات ەمٸرەەۆتٸ قابىلدادى. كەزدەسۋ بارىسىندا تاراپتار تٷرٸكمەنستاننىڭ ارنايى مەرتەبەدە تٷركٸتٸلدەس مەملەكەتتەرٸ ىنتىماقتاستىق كەڭەسٸنە كٸرۋ مٷمكٸندٸكتەرٸن تالقىلادى, دەپ حابارلايدى "ۇلت اقپارات" كەڭەستٸڭ جەلٸدەگٸ پاراقشاسىنا سٸلتەمە جاساپ.
باس حاتشى باعدات ەمٸرەەۆ تٷرٸكمەنستان پرەزيدەنتٸن تٷركٸ كەڭەسٸنٸڭ سوڭعى جاڭالىقتارىنان حاباردار ەتٸپ, ىستانبۇلدا 2021 جىلدىڭ 12 قاراشاسىنا جوسپارلانعان تٷركٸ كەڭەسٸنٸڭ 8-شٸ سامميتٸ تاقىرىبىن قوزعادى.
ب. ەمٸرەەۆ تٷرٸكمەنستان پرەزيدەنتٸنە تٷركٸ كەڭەسٸنٸڭ بولاشاق ستراتەگييالارى, تٷركٸ ينۆەستيتسييالىق قورىن قۇرۋ جٶنٸندەگٸ جاڭالىقتار, كەڭەس مٷشەسٸ بولىپ تابىلمايمىن ەلدەرمەن قارىم-قاتىناس تۋرالى, سونىمەن قاتار تٷركمەنستاننىڭ مٷشە ەلدەرمەن تٷرلٸ سالالارداعى, اتاپ ايتقاندا ەكونوميكا, ساۋدا, كٶلٸك جەنە ەنەرگەتيكاداعى ىنتىماقتاستىق مٷمكٸندٸكتەرٸ تۋرالى اقپارات بەردٸ.
تٷرٸكمەنستان باسشىسى, ٶز كەزەگٸندە, تٷركٸ كەڭەسٸنٸڭ 8-شٸ سامميتٸنە قاتىساتىنىن راستادى. ونىڭ ايتۋىنشا, كٶپتەگەن ونجىلدىقتار بويى تٷرٸكمەنستاننىڭ سىرتقى ساياسي باعىتىنىڭ نەگٸزگٸ ۆەكتورى تٷركٸ ەلدەرٸمەن باۋىرلاس قارىم-قاتىناستاردىڭ دامۋى بولىپ كەلەدٸ.
كەزدەسۋ سوڭىندا تٷرٸكمەنستاننىڭ تٷركٸ تٸلدەس مەملەكەتتەرٸ ىنتىماقتاستىق كەڭەسٸنە (تٷركٸ كەڭەسٸ) ارنايى مەرتەبەمەن كٸرۋ مٷمكٸندٸكتەرٸ تالقىلاندى.
