Taiaýda biligin uly Serdar Berdimuhamedovke tapsyrǵan Túrikmenstannyń burynǵy prezidenti Gýrbangýly Berdimuhamedov sáýirdiń 1-inen bastap eńbek demalysyna shyǵatyn boldy. Ol úshin prezident uly Serdardan ruqsat suraǵan, dep habarlaidy Azattyq radiosy.
Túrikmenstannyń "Týrkmenistan segodnia" agentiginiń habarlaýynsha, bul oqiǵa 25 naýryzda úkimet otyrysynan keiin bolǵan. "Arqadaq Gýrbanguly Berdimuhamedov Túrikmenstan prezidentine ótinish aitty" deidi agenttik reportajynda.
"Ózderińiz biletindei, basshylyq qyzmetti 40 jyldan beri istep kelemin, 25 jyl saiasatpen ainalystym. Jumystyń kóptigine bailanysty bul ýaqytta tolyq demala almadym",- deidi "Arqadaq".
Gýrbangýly Berdimuhamedov demalysta kitabyn aiaqtaitynyn jáne halyqaralyq is-sharalarǵa daiyndalatynyn aitqan.
Serdar Berdimuhamedov ákesiniń ótinishin oryndaǵan. Demalystyń qashanǵa deiin sozylary belgisiz.
Túrikmenstannyń jańa prezidenti Serdar Berdmuhamedov 19 naýryzdan bastap iske kirisken. Ortalyq sailaý komissiiasy merziminen buryn ótken sailaýda Serdar Berdimuhamedov 72,97 paiyz daýyspen jeńdi dep habarlaǵan. Sailaýǵa halyqaralyq baqylaýshylar qatystyrylmaǵan.
Azattyqtyń Túrikmen redaktsiiasy sailaý aldyndaǵy naýqan men daýys berý úderisi jappai zań buzýmen ótkenin baiqaǵan edi. The Economist jýrnalynyń demokratiia boiynsha indeksinde Túrikmenstan álem elderiniń sońynda tur.
