تاياۋدا بيلٸگٸن ۇلى سەردار بەردٸمۇحامەدوۆكە تاپسىرعان تٷرٸكمەنستاننىڭ بۇرىنعى پرەزيدەنتٸ گۋربانگۋلى بەردٸمۇحامەدوۆ سەۋٸردٸڭ 1-ٸنەن باستاپ ەڭبەك دەمالىسىنا شىعاتىن بولدى. ول ٷشٸن پرەزيدەنت ۇلى سەرداردان رۇقسات سۇراعان, دەپ حابارلايدى ازاتتىق راديوسى.
تٷرٸكمەنستاننىڭ "تۋركمەنيستان سەگودنيا" اگەنتٸگٸنٸڭ حابارلاۋىنشا, بۇل وقيعا 25 ناۋرىزدا ٷكٸمەت وتىرىسىنان كەيٸن بولعان. "ارقاداق گۋربانگۇلى بەردٸمۇحامەدوۆ تٷرٸكمەنستان پرەزيدەنتٸنە ٶتٸنٸش ايتتى" دەيدٸ اگەنتتٸك رەپورتاجىندا.
"ٶزدەرٸڭٸز بٸلەتٸندەي, باسشىلىق قىزمەتتٸ 40 جىلدان بەرٸ ٸستەپ كەلەمٸن, 25 جىل ساياساتپەن اينالىستىم. جۇمىستىڭ كٶپتٸگٸنە بايلانىستى بۇل ۋاقىتتا تولىق دەمالا المادىم",- دەيدٸ "ارقاداق".
گۋربانگۋلى بەردٸمۇحامەدوۆ دەمالىستا كٸتابىن اياقتايتىنىن جەنە حالىقارالىق ٸس-شارالارعا دايىندالاتىنىن ايتقان.
سەردار بەردٸمۇحامەدوۆ ەكەسٸنٸڭ ٶتٸنٸشٸن ورىنداعان. دەمالىستىڭ قاشانعا دەيٸن سوزىلارى بەلگٸسٸز.
تٷرٸكمەنستاننىڭ جاڭا پرەزيدەنتٸ سەردار بەردمۇحامەدوۆ 19 ناۋرىزدان باستاپ ٸسكە كٸرٸسكەن. ورتالىق سايلاۋ كوميسسيياسى مەرزٸمٸنەن بۇرىن ٶتكەن سايلاۋدا سەردار بەردٸمۇحامەدوۆ 72,97 پايىز داۋىسپەن جەڭدٸ دەپ حابارلاعان. سايلاۋعا حالىقارالىق باقىلاۋشىلار قاتىستىرىلماعان.
ازاتتىقتىڭ تٷرٸكمەن رەداكتسيياسى سايلاۋ الدىنداعى ناۋقان مەن داۋىس بەرۋ ٷدەرٸسٸ جاپپاي زاڭ بۇزۋمەن ٶتكەنٸن بايقاعان ەدٸ. The Economist جۋرنالىنىڭ دەموكراتييا بويىنشا يندەكسٸندە تٷرٸكمەنستان ەلەم ەلدەرٸنٸڭ سوڭىندا تۇر.
