«Turǵynúiqurylysjinaqbanki» klientteri úshin barlyq komissiiany joidy. Bul týraly búgin Ortalyq kommýnikatsiialar qyzmetindegi brifingte atalǵan bank basqarmasy tóraǵasynyń orynbasary Janar Jubaniiazova málim etti, dep habarlaidy "Ult aqparat" QazAqparat agenttigine silteme jasap.
«Turǵynúiqurylysjinaqbanki» men «Qazposhta» yntymaqtastyq týraly kelisimge qol qoidy. Endigi ýaqytta «Turǵynúiqurylysjinaqbanki» salymshylary «Qazposhtanyń» kez kelgen bólimshesinen banktiń ónimderi boiynsha keńester alyp, kreditterin jaýyp, depozitterin tolyqtyra alady. Buǵan deiin nesieni japqany nemese depozitin tolyqtyrǵany úshin 1 protsent mólsherinde komissiia bekitilgen edi. Búgingi kúni bul shara «Turǵynúiqurylysjinaqbanki» salymshylary úshin tegin», - dedi ol.
Onyń aitýynsha, bank «Qazposhtanyń» taramdalǵan bólimsheleriniń arqasynda Qazaqstannyń barlyq turǵyndaryna sapaly qyzmet kórsetetin bolady. Bank shamamen 950 myń salymshyǵa qyzmet kórsetedi. Olardyń depozit qorjyny 460 mlrd. teńgeni quraidy.
«Turǵynúiqurylysjinaqbankinen» depozit ashý úshin salymshy óz shotyna 15 myń teńge salýy tiis. Bul komissiia emes, aqsha tolyǵymen salymshynyń shotyna túsedi. Qazirgi ýaqytta shamamen 200 myń salymshyǵa internet-banking jáne mobildi banking qyzmeti arqyly qyzmet kórsetilýde. Onyń 47 myńy memlekettik baǵdarlamaǵa qatysý múmkindigin aldy.
«Turǵynúiqurylysjinaqbankiniń» basqa da seriktesterimen ýaǵdalastyǵy bar. Bank klientteri «Halyq banki», «Kaspii banki», «Eýraziialyq bank», «Qazkommertsbank» filialdarynda depozitterin tolyqtyryp, nesielerin jaba alady. Bul rette «Turǵynúiqurylysjinaqbanki» klinetteri úshin barlyq komissiialyq alymdar joiylǵan. Óitkeni barlyq shyǵysty bank óz moinyna alady», - dedi Jubaniiazova.
.jpeg)