Turǵyn úi jaldaý sýbsidiiasyna muqtaj adamdardy qoldaý úshin jylyna biýdjetten 50 mlrd teńge kóleminde qarjy jumsalmaq. Bul somanyń 10 mlrd teńgesin jergilikti biýdjetter bólýi kerek, dep habarlaidy QazAqparat.
Úkimet otyrysynda QR Indýstriia jáne infraqurylymdyq damý ministri Qaiyrbek Óskenbaev osyndai málimet aitty.
«Jyl saiyn respýblikalyq biýdjetten shyǵyndar – 40 mlrd teńgeni jáne jergilikti biýdjetter úshin – 10 mlrd teńgeni quraidy», - dedi ol.
Ministrdiń málimeti boiynsha, turǵyn úi tólemderi baǵdarlamasyn tolyq iske qosý mamyr aiyna josparlanǵan.
«Joǵaryda kórsetilgen tásilder maquldanǵan jaǵdaida, ministrlik óz buiryǵyn erteń bekitýge daiyn», - dedi Qaiyrbek Óskenbaev.
Aita keteiik, ministrdiń málimeti boiynsha, baspana jaldaý aqysynyń 50 paiyzyn memleket tóleidi.
Jaldaý aqysy mynadai tártippen sýbsidiialanbaq: - 50% memlekettik sýbsidiialar esebinen jabylady; - qalǵan 50 % alýshy óz betinshe tóleidi. «70 myń azamatqa qoldaý kórsetý úshin 50 mlrd teńge qajet, bul rette kórsetilgen qarajat jyl saiyn kezekte turǵan adamdar sanyna bailanysty ózgerýi múmkin», - dedi vedomstvo basshysy.
