Turǵyn úi jaldaý sýbsidiiasy arqyly arendaǵa alynatyn páterdiń aýdany otbasyndaǵy adam sanyna sáikes belgilenedi. Bul týraly «Otbasy bank» aktsionerlik qoǵamy ortalyq filialynyń direktory Jansultan Matai «Habar» telearnasyndaǵy «Búgin» baǵdarlamasynda aitty, dep habarlaidy QazAqparat.
«Baǵdarlamanyń ishinde taǵy bir shart bar. Otbasyndaǵy adamdardyń sanyna sáikes, jalǵa alatyn páterdiń aýdany bar. Sýbsidiiaǵa qol jetkizý jaldaityn úidiń aýdany sodan asyp ketpeý kerek. Otbasyndaǵy adam sany 1-den 3 janǵa deiin bolsa, 40 sharshy metr sýbsidiialanady. 4 pen 5 adam bolsa, 60 sharshy metr, 6 adamnan kóp bolsa, 80 sharshy metrden aspaityn páter sýbsidiialanady», - dedi «Otbasy bank» ókili.
Sondai-aq, ol jalǵa berýshi men alýshy arasyndaǵy kelisimshartty qoldan jasap usyný múmkin emes ekenin de eskertti.
«Iaǵni, otbasy adam sanyna sáikes páter izdeidi. Páter iesimen kelisimshart bir jylǵa jasalady. Ol kelisimshart jergilikti Ádilet basqarmasynda tirkeýge túsýi kerek», - dedi Jansultan Matai.
