تۇرعىن ٷي جالداۋ سۋبسيديياسى ارقىلى ارەنداعا الىناتىن پەتەردٸڭ اۋدانى وتباسىنداعى ادام سانىنا سەيكەس بەلگٸلەنەدٸ. بۇل تۋرالى «وتباسى بانك» اكتسيونەرلٸك قوعامى ورتالىق فيليالىنىڭ ديرەكتورى جانسۇلتان ماتاي «حابار» تەلەارناسىنداعى «بٷگٸن» باعدارلاماسىندا ايتتى, دەپ حابارلايدى قازاقپارات.
«باعدارلامانىڭ ٸشٸندە تاعى بٸر شارت بار. وتباسىنداعى ادامداردىڭ سانىنا سەيكەس, جالعا الاتىن پەتەردٸڭ اۋدانى بار. سۋبسيديياعا قول جەتكٸزۋ جالدايتىن ٷيدٸڭ اۋدانى سودان اسىپ كەتپەۋ كەرەك. وتباسىنداعى ادام سانى 1-دەن 3 جانعا دەيٸن بولسا, 40 شارشى مەتر سۋبسيدييالانادى. 4 پەن 5 ادام بولسا, 60 شارشى مەتر, 6 ادامنان كٶپ بولسا, 80 شارشى مەتردەن اسپايتىن پەتەر سۋبسيدييالانادى», - دەدٸ «وتباسى بانك» ٶكٸلٸ.
سونداي-اق, ول جالعا بەرۋشٸ مەن الۋشى اراسىنداعى كەلٸسٸمشارتتى قولدان جاساپ ۇسىنۋ مٷمكٸن ەمەس ەكەنٸن دە ەسكەرتتٸ.
«ياعني, وتباسى ادام سانىنا سەيكەس پەتەر ٸزدەيدٸ. پەتەر يەسٸمەن كەلٸسٸمشارت بٸر جىلعا جاسالادى. ول كەلٸسٸمشارت جەرگٸلٸكتٸ ەدٸلەت باسقارماسىندا تٸركەۋگە تٷسۋٸ كەرەك», - دەدٸ جانسۇلتان ماتاي.
