«Otbasy bank» AQ tóraiymy Lázzat Ibragimova turǵyn úi jaldaý sýbsidiiasy týraly eń jii qoiylyp jatqan suraqtarǵa Facebook-tegi paraqshasy arqyly jaýap berdi, dep habarlaidy QazAqparat.
«Bul tólemder - turǵyn úi jaldaityn jekelegen otbasylarǵa biýdjet qarajaty esebinen óteýsiz negizde beriletin, ótemaqy túrindegi memlekettik qoldaý», - dep bastaidy Lázzat Ibragimova.
Mundaǵy birinshi kezekte eskeretin jait, bul tólemder kommýnaldyq tólemderdi qamtymaidy. Iaǵni, turǵyn úi jaldaý sýbsidiiasy tek baspana jaldaý shyǵyny boiynsha ǵana tólenedi, jaldap otyrǵan páterdiń kommýnaldyq tólemderine sýbsidiia berilmeidi.
«Memlekettik turǵyn úi qorynan, memlekettik mekemeler men kásiporyndardyń turǵyn úi qorynan turǵyn úidi jaldaý kezinde bul tólemder júzege asyrylmaidy. Iaǵni satyp alý quqyǵynsyz jalǵa beriletin turǵyn úide turatyn azamattar bul baǵdarlamaǵa qatysa almaidy», - dep jazady «Otbasy bank» basshysy.
