«وتباسى بانك» اق تٶرايىمى لەززات يبراگيموۆا تۇرعىن ٷي جالداۋ سۋبسيديياسى تۋرالى ەڭ جيٸ قويىلىپ جاتقان سۇراقتارعا Facebook-تەگٸ پاراقشاسى ارقىلى جاۋاپ بەردٸ, دەپ حابارلايدى قازاقپارات.
«بۇل تٶلەمدەر - تۇرعىن ٷي جالدايتىن جەكەلەگەن وتباسىلارعا بيۋدجەت قاراجاتى ەسەبٸنەن ٶتەۋسٸز نەگٸزدە بەرٸلەتٸن, ٶتەماقى تٷرٸندەگٸ مەملەكەتتٸك قولداۋ», - دەپ باستايدى لەززات يبراگيموۆا.
مۇنداعى بٸرٸنشٸ كەزەكتە ەسكەرەتٸن جايت, بۇل تٶلەمدەر كوممۋنالدىق تٶلەمدەردٸ قامتىمايدى. ياعني, تۇرعىن ٷي جالداۋ سۋبسيديياسى تەك باسپانا جالداۋ شىعىنى بويىنشا عانا تٶلەنەدٸ, جالداپ وتىرعان پەتەردٸڭ كوممۋنالدىق تٶلەمدەرٸنە سۋبسيدييا بەرٸلمەيدٸ.
«مەملەكەتتٸك تۇرعىن ٷي قورىنان, مەملەكەتتٸك مەكەمەلەر مەن كەسٸپورىنداردىڭ تۇرعىن ٷي قورىنان تۇرعىن ٷيدٸ جالداۋ كەزٸندە بۇل تٶلەمدەر جٷزەگە اسىرىلمايدى. ياعني ساتىپ الۋ قۇقىعىنسىز جالعا بەرٸلەتٸن تۇرعىن ٷيدە تۇراتىن ازاماتتار بۇل باعدارلاماعا قاتىسا المايدى», - دەپ جازادى «وتباسى بانك» باسشىسى.
