«Otbasy bank» aktsionerlik qoǵamy ortalyq filialynyń direktory Jansultan Matai turǵyn úi jaldaý sýbsidiiasynyń aiasynda 1 sharshy metr baspanaǵa neshe teńge tólenetinin aitty, dep habarlaidy QazAqparat.
«Sýbsidiia arqyly jalǵa alynatyn páterlerdi jaldaý quny belgilengen. Bul jerde ádiletti bolý úshin Indýstriia jáne infraqurylymdyq ministrliginiń tarapynan ár qalaǵa bailanysty koeffitsientter jasaqtalyp jatyr. Zań jobasy bar, biraq áli bekigen joq», - dedi Jansultan Matai «Habar» telearnasyndaǵy «Búgin» baǵdarlamasynda.
Onyń sózine qaraǵanda, bul shama jalǵa alynatyn páterdiń qai qalad ornalasqanyna bailanysty belgilenbek.
«Qazirgi joba boiynsha bir sharshy metrdiń quny ailyq eseptik kórsetkishke (AEK) tikelei bailanysty bolady. Búgingi tańda 1 AEK 3063 teńge bolsa, Nur-Sultan qalasy boiynsha 1,11 koeffitsient qoiylady. Iaǵni, jańaǵy ailyq eseptik kórsetkishti soǵan bólgen kezde Nur-Sultan qalasyndaǵy 1 sharshy metrdiń quny 2759 teńgeniń shamasynda shyǵyp otyr. 40 sharshy metrge kóbeitsek, bir bólmeli páterdiń jaldaý quny 110 myń teńgeden aspaýy kerek. Osy somanyń jartysyn otbasy óz tóleidi, jartysyn úkimet ózi ótep beredi. Al 3 bólmeli úidi jaldasa, bul jerde 220 myńnyń shamasynda bolyp tur. Iaǵni, 220 myń teńge kelisimshart jasalýy kerek, sonyń 110 myń teńgesin memleket sýbsidiialaidy», - dedi «Otbasy bank» ókili.
Baǵdarlama barysynda qazir Nur-Sultan qalasnyda 40 sharshy metr páterdiń jaldaý quny 110 myń teńgeden áldeqaida joǵary ekeni aityldy.
Joba avtorlarynyń aitýynsha, páter jaldaý quny osy mólsherde bolý kerek degen talap joq.
Bul shek memleket tóleitin sýbsidiianyń mejesin anyqtaý úshin belgilenbek.
