QR Básekelestikti qorǵaý jáne damytý agenttiginiń tóraǵasy Serik Jumanǵarin turǵyn úi men qurylys materialdary baǵasyn qymbattatpaý úshin qandai sharalar jasalǵanyn aityp berdi, dep habarlaidy QazAqparat.
Onyń aitýynsha, Memleket basshysynyń tapsyrmalaryn oryndaý úshin turǵyn úi jáne qurylys materialdary naryqtaryndaǵy baǵalardy tejeý jónindegi sharalar iske asyryldy.
«2021 jyly bastapqy turǵyn úi baǵasy 16,6%-ǵa ósti. Negizgi ósim qańtar aiynda 3% kóleminde baiqaldy. Baǵanyń tómendeýi týraly 15 habarlama joldandy. Onyń 14-i oryndaldy jáne 1 tergep-tekserý taǵaiyndaldy. Iri kompaniialar – Bazis, Bi Ai Grýpp, Rams jáne óńirlik qurylys salýshylar baǵany 7-den 20 paiyzǵa deiin tómendetti. Nátijesinde ai saiynǵy baǵanyń ósý qarqyny qarasha aiynda 0,6%-ǵa deiin tómendedi», - dedi S. Jumanǵarin Básekelestikti qorǵaý jáne damytý agenttigi alqasynyń otyrysynda.
Qurylys materialdary naryǵynda baǵa 26%-ǵa artqan. Sondyqtan munda da monopoliiaǵa qarsy sharalar kesheni júrgizilip, 84 habarlama joldanǵan. Onyń 50-i oryndaldy. 20 tergep-tekserý taǵaiyndaldy, onyń jeteýi aiaqtaldy. Nátijesinde baǵa 5-25% aralyǵynda arzandaǵan.
