- Turǵyn úi qurylys jinaq banki jeke menshik turǵyn úi qurylysyna 70 mlrd. teńge bólýge daiyn.
Bul týraly búgin Úkimet otyrysynda QR Ulttyq ekonomika ministri Qýandyq Bishimbaev málim etti, dep habarlaidy Ult.kz tilshisi QazAqparat agenttigine silteme jasap.
Ministrdiń aitýynsha, oblys ortalyqtarynda jeke menshik baspana qurylysyn damytý úshin jańa ilki jobany qoldaný usynylady. Onyń negizgi mindetteri mynadai: biryńǵai qurylys salýshy arqyly biryńǵai sáýlettik úlgide jeke turǵyn úi salý; úi qurylysy kombinattarynyń tehnologiialaryn qoldaný arqyly turǵyn úi qunynyń qoljetimdiligin qamtamasyz etý; kezekte turǵan azamattarǵa Turǵyn úi qurylys jinaq bankinen jeńildikpen qaryz berý arqyly jeke turǵyn úi qurylysyn qarjylandyrý.
«Ilki jobaǵa qatysýshy kezekte turǵan azamattar jer ýchaskesimen birge jáne injenerlik-kommýnikatsiialyq infraqurylym júrgizilgen daiyn úidi ózderi satyp alýǵa nemese úidi satyp alý úshin Turǵyn úi qurylys jinaq bankinen nesie alýǵa quqyly. Búgingi kúni Turǵyn úi qurylys jinaq banki óziniń menshikti qarajaty jáne qaryz qarajatynyń esebinen 70 mlrd. teńgege deiin qaryz berýge daiyn. Túpkilikti qaryz alýshynyń syiaqy mólsherin 5 paiyzǵa deiin tómendetý úshin memleket ipotekalyq nesie berýdi qoldaý baǵyty aiasynda syiaqy qunynyń 7 paiyzyna deiin sýbsidiia beretin bolady», - dedi ol.
Ministrdiń sózine qaraǵanda, osy tásil boiynsha kezekte turǵan azamattar úshin ai saiynǵy tólem alǵashqy 5 jylda 70 myń teńgeni, keiingi 10 jylda 56 myń teńgeni quraityn bolady.
.jpeg)