Turǵyn úi qurylys jinaq banki klientterge tólemdi keiinge shegerýdi avtomatty túrde qosymsha qujattardy talap etpei júzege asyrady, dep habarlaidy "Ult aqparat" banktiń baspasóz qyzmetine silteme jasap.
Turǵyn úi qurylys jinaq banki ýaqytsha qarjylyq qiyndyqqa ushyraǵan klientterine 2020 jylǵy 16 naýryzdan keiin ótelýi tiis tólemdi 90 kúnge shegerýge múmkindik beredi. Shegerilgen tólemge negizgi qaryz da, nesie syiaqysy da kiredi. Bul klient jazǵan ótinishtiń negizinde júzege asyrylady. Ótinishte keiinge shegerýdiń ne sebepti qajet bolǵanyn kórsetý kerek, biraq bank qosymsha rastaý qujattaryn talap etpeidi. Tólemdi keiinge shegerý múmkindigi avtomatty túrde beriledi. Bul shara koronavirýs taralýynyń aldyn-alý maqsatynda elde tótenshe jaǵdaidyń engizilýine jáne Nur-Sultan men Almaty qalalarynda karantin jariialanǵanyna bailanysty oryn alǵan dep qarjy institýtynyń baspasóz qyzmeti habarlaidy.
«Tólemdi shegerý týraly ótinish 2020 jylǵy 15 sáýirden bastap internet-banking arqyly qabyldanady. Barlyq ótinish maquldanady. Shegerýdi 2020 jylǵy 16 naýryzdan keiin ótelýi tiis tólemderge qatysty qoldanýǵa bolady. Onlain-ótinish berý kezinde 2020 jyldyń 16 naýryzyndaǵy jaǵdai boiynsha ýaqtyly ótelmegen nesie tólemi bolmaýy kerek», - dep eskertti banktiń Basqarma tóraiymy Liazzat Ibragimova.
Bank basshysy barlyq azamatty tótenshe jaǵdaidy eskere otyryp, oqshaýlaný erejelerin saqtaýǵa jáne bank bólimshelerine barmaýǵa shaqyrdy.
Tólemdi keiinge shegerý nesie merzimin 3 aiǵa uzartý arqyly júredi. Bul klientterge ai saiynǵy tólem kólemin qalypty deńgeide ustap qalýǵa kómektesedi.
Bank aldyn-ala jáne aralyq zaem alýshylardy olardyń turǵyn úi zaemyna ótý merzimi shegerý ýaqytyna uzartylatynyna nazar aýdarýyn ótindi.
2020 jylǵy 16 naýryz ben 16 maýsym aralyǵynda ýaqtyly ótelmegen tólemder boiynsha aiyppul jáne ósimpul alynbaidy. Osy úsh ai ishinde klient negizgi qaryz ben syiaqyny ózine yńǵaily ýaqyt pen kúni tolyq ótese, tólemderdi keiinge shegerý týraly ótinishti bermei-aq, qolaily nesie óteý kestesin tańdap, aidyń kez kelgen kúninde qaryzdy ótei alady. Muny úiden shyqpai-aq onlain jasaýǵa bolady.
2020 jylǵy 30 naýryzdan bastap karantin aiaqtalǵansha Qazaqstan aýmaǵyndaǵy barlyq filialda Turǵyn úi qurylys jinaq banki klientterge qyzmet kórsetýdiń jańa nusqasyna ótedi. Bólimshelerde nesie ótinishterin qabyldaý, postkredit jáne postdepozit operatsiialardy ótkizý ýaqytsha toqtatylady. Bul kezde klient Bankke kelip, tek eki operatsiiany qoldana alady: depozitti bólý/toqtatý arqyly aqshasyn alý, sondai-aq zaemnyń bir bóligin jabý nemese ony tolyqtai óteý. Bul operatsiialardy paidalaný úshin bank saityndaǵy onlain-brondaý arqyly aldyn-ala jazylý kerek. Basqa jaǵdailarda Bank koronavirýsty taratpaý maqsatynda klientterge qyzmet kórsetýden bas tartýǵa májbúr bolady.
Notariýstardyń jumysyna tyiym salynbasa, 27 naýryz 18.00-ge deiin berilgen jáne maquldanǵan barlyq nesie ótinishi klientti telefonmen jeke habarlasyp shaqyrý arqyly beriletin bolady. Qazir Bank 1000 shamasyndaǵy nesie ótinishin qarastyryp jatyr, 200 ótinish berilý kezeńinde.
Bank karantin aiaqtalǵansha satyp alý-satý mámilesin jasaspaýǵa shaqyrady.
Nesie óteý jáne depozit tolyqtyrý yńǵaily bolýy úshin qaladaǵy karantin rejiminde ashyq turǵan oryndarda ornalasqan tólem terminaldary isteidi. Alaida Bank saýda-oiyn ortalyǵy men bazar izdep qalada júrmei, tólemdi JSSB 24 internet-bankingi arqyly júrgizýge shaqyrady. Munda kez kelgen banktiń tólem kartasyn qoldanýǵa bolady.
«Qazaqstannyń turǵyn úi qurylys jinaq banki» AQ — elimizdegi turǵyn úi qurylys jinaq júiesin júzege asyratyn birden-bir bank. Uiym Eýropalyq qurylys jinaq kassalary federatsiiasyna (EQJKF) jáne Halyqaralyq turǵyn úidi qarjylandyrý odaǵyna kiredi. Turǵyn úi qurylys jinaq bankiniń jalǵyz aktsioneri – «Báiterek» Ulttyq basqarýshy holdingi» AQ.
