تۇرعىن ٷي قۇرىلىس جيناق بانكٸ كليەنتتەرگە تٶلەمدٸ كەيٸنگە شەگەرۋدٸ اۆتوماتتى تٷردە قوسىمشا قۇجاتتاردى تالاپ ەتپەي جٷزەگە اسىرادى, دەپ حابارلايدى "ۇلت اقپارات" بانكتٸڭ باسپاسٶز قىزمەتٸنە سٸلتەمە جاساپ.
تۇرعىن ٷي قۇرىلىس جيناق بانكٸ ۋاقىتشا قارجىلىق قيىندىققا ۇشىراعان كليەنتتەرٸنە 2020 جىلعى 16 ناۋرىزدان كەيٸن ٶتەلۋٸ تيٸس تٶلەمدٸ 90 كٷنگە شەگەرۋگە مٷمكٸندٸك بەرەدٸ. شەگەرٸلگەن تٶلەمگە نەگٸزگٸ قارىز دا, نەسيە سىياقىسى دا كٸرەدٸ. بۇل كليەنت جازعان ٶتٸنٸشتٸڭ نەگٸزٸندە جٷزەگە اسىرىلادى. ٶتٸنٸشتە كەيٸنگە شەگەرۋدٸڭ نە سەبەپتٸ قاجەت بولعانىن كٶرسەتۋ كەرەك, بٸراق بانك قوسىمشا راستاۋ قۇجاتتارىن تالاپ ەتپەيدٸ. تٶلەمدٸ كەيٸنگە شەگەرۋ مٷمكٸندٸگٸ اۆتوماتتى تٷردە بەرٸلەدٸ. بۇل شارا كوروناۆيرۋس تارالۋىنىڭ الدىن-الۋ ماقساتىندا ەلدە تٶتەنشە جاعدايدىڭ ەنگٸزٸلۋٸنە جەنە نۇر-سۇلتان مەن الماتى قالالارىندا كارانتين جارييالانعانىنا بايلانىستى ورىن العان دەپ قارجى ينستيتۋتىنىڭ باسپاسٶز قىزمەتٸ حابارلايدى.
«تٶلەمدٸ شەگەرۋ تۋرالى ٶتٸنٸش 2020 جىلعى 15 سەۋٸردەن باستاپ ينتەرنەت-بانكينگ ارقىلى قابىلدانادى. بارلىق ٶتٸنٸش ماقۇلدانادى. شەگەرۋدٸ 2020 جىلعى 16 ناۋرىزدان كەيٸن ٶتەلۋٸ تيٸس تٶلەمدەرگە قاتىستى قولدانۋعا بولادى. ونلاين-ٶتٸنٸش بەرۋ كەزٸندە 2020 جىلدىڭ 16 ناۋرىزىنداعى جاعداي بويىنشا ۋاقتىلى ٶتەلمەگەن نەسيە تٶلەمٸ بولماۋى كەرەك», - دەپ ەسكەرتتٸ بانكتٸڭ باسقارما تٶرايىمى لياززات يبراگيموۆا.
بانك باسشىسى بارلىق ازاماتتى تٶتەنشە جاعدايدى ەسكەرە وتىرىپ, وقشاۋلانۋ ەرەجەلەرٸن ساقتاۋعا جەنە بانك بٶلٸمشەلەرٸنە بارماۋعا شاقىردى.
تٶلەمدٸ كەيٸنگە شەگەرۋ نەسيە مەرزٸمٸن 3 ايعا ۇزارتۋ ارقىلى جٷرەدٸ. بۇل كليەنتتەرگە اي سايىنعى تٶلەم كٶلەمٸن قالىپتى دەڭگەيدە ۇستاپ قالۋعا كٶمەكتەسەدٸ.
بانك الدىن-الا جەنە ارالىق زاەم الۋشىلاردى ولاردىڭ تۇرعىن ٷي زاەمىنا ٶتۋ مەرزٸمٸ شەگەرۋ ۋاقىتىنا ۇزارتىلاتىنىنا نازار اۋدارۋىن ٶتٸندٸ.
2020 جىلعى 16 ناۋرىز بەن 16 ماۋسىم ارالىعىندا ۋاقتىلى ٶتەلمەگەن تٶلەمدەر بويىنشا ايىپپۇل جەنە ٶسٸمپۇل الىنبايدى. وسى ٷش اي ٸشٸندە كليەنت نەگٸزگٸ قارىز بەن سىياقىنى ٶزٸنە ىڭعايلى ۋاقىت پەن كٷنٸ تولىق ٶتەسە, تٶلەمدەردٸ كەيٸنگە شەگەرۋ تۋرالى ٶتٸنٸشتٸ بەرمەي-اق, قولايلى نەسيە ٶتەۋ كەستەسٸن تاڭداپ, ايدىڭ كەز كەلگەن كٷنٸندە قارىزدى ٶتەي الادى. مۇنى ٷيدەن شىقپاي-اق ونلاين جاساۋعا بولادى.
2020 جىلعى 30 ناۋرىزدان باستاپ كارانتين اياقتالعانشا قازاقستان اۋماعىنداعى بارلىق فيليالدا تۇرعىن ٷي قۇرىلىس جيناق بانكٸ كليەنتتەرگە قىزمەت كٶرسەتۋدٸڭ جاڭا نۇسقاسىنا ٶتەدٸ. بٶلٸمشەلەردە نەسيە ٶتٸنٸشتەرٸن قابىلداۋ, پوستكرەديت جەنە پوستدەپوزيت وپەراتسييالاردى ٶتكٸزۋ ۋاقىتشا توقتاتىلادى. بۇل كەزدە كليەنت بانككە كەلٸپ, تەك ەكٸ وپەراتسييانى قولدانا الادى: دەپوزيتتٸ بٶلۋ/توقتاتۋ ارقىلى اقشاسىن الۋ, سونداي-اق زاەمنىڭ بٸر بٶلٸگٸن جابۋ نەمەسە ونى تولىقتاي ٶتەۋ. بۇل وپەراتسييالاردى پايدالانۋ ٷشٸن بانك سايتىنداعى ونلاين-برونداۋ ارقىلى الدىن-الا جازىلۋ كەرەك. باسقا جاعدايلاردا بانك كوروناۆيرۋستى تاراتپاۋ ماقساتىندا كليەنتتەرگە قىزمەت كٶرسەتۋدەن باس تارتۋعا مەجبٷر بولادى.
نوتاريۋستاردىڭ جۇمىسىنا تىيىم سالىنباسا, 27 ناۋرىز 18.00-گە دەيٸن بەرٸلگەن جەنە ماقۇلدانعان بارلىق نەسيە ٶتٸنٸشٸ كليەنتتٸ تەلەفونمەن جەكە حابارلاسىپ شاقىرۋ ارقىلى بەرٸلەتٸن بولادى. قازٸر بانك 1000 شاماسىنداعى نەسيە ٶتٸنٸشٸن قاراستىرىپ جاتىر, 200 ٶتٸنٸش بەرٸلۋ كەزەڭٸندە.
بانك كارانتين اياقتالعانشا ساتىپ الۋ-ساتۋ مەمٸلەسٸن جاساسپاۋعا شاقىرادى.
نەسيە ٶتەۋ جەنە دەپوزيت تولىقتىرۋ ىڭعايلى بولۋى ٷشٸن قالاداعى كارانتين رەجيمٸندە اشىق تۇرعان ورىنداردا ورنالاسقان تٶلەم تەرمينالدارى ٸستەيدٸ. الايدا بانك ساۋدا-ويىن ورتالىعى مەن بازار ٸزدەپ قالادا جٷرمەي, تٶلەمدٸ جسسب 24 ينتەرنەت-بانكينگٸ ارقىلى جٷرگٸزۋگە شاقىرادى. مۇندا كەز كەلگەن بانكتٸڭ تٶلەم كارتاسىن قولدانۋعا بولادى.
«قازاقستاننىڭ تۇرعىن ٷي قۇرىلىس جيناق بانكٸ» اق — ەلٸمٸزدەگٸ تۇرعىن ٷي قۇرىلىس جيناق جٷيەسٸن جٷزەگە اسىراتىن بٸردەن-بٸر بانك. ۇيىم ەۋروپالىق قۇرىلىس جيناق كاسسالارى فەدەراتسيياسىنا (ەقجكف) جەنە حالىقارالىق تۇرعىن ٷيدٸ قارجىلاندىرۋ وداعىنا كٸرەدٸ. تۇرعىن ٷي قۇرىلىس جيناق بانكٸنٸڭ جالعىز اكتسيونەرٸ – «بەيتەرەك» ۇلتتىق باسقارۋشى حولدينگٸ» اق.
