Ishki ister ministri Erlan Turǵymbaevtyń tóraǵalyǵymen keńeitilgen alqa otyrysynda vedomstvonyń 1-toqsandaǵy qyzmeti qorytyndylandy, dep habarlaidy "Ult aqparat".
Vedomstvo baspasóz qyzmetiniń málimetinshe, beinekonferentsiia bailanys rejiminde ótken jiynda ishki ister organdarynyń 1-toqsanyndaǵy qyzmetiniń qorytyndylary, sondai-aq Memleket basshysynyń qoǵamdyq qaýipsizdikti qamtamasyz etý salasyndaǵy tapsyrmalaryn iske asyrý jónindegi sharalar qaralǵan.
«Onda kriminogendik jaǵdaidyń jaqsarýynyń oń dinamikasy atap ótildi. Jyl basynan beri qylmys deńgeii 13 %-ǵa tómendedi.
Paidakúnemdik jáne zorlyq-zombylyq qylmysynyń sany aitarlyqtai azaidy. Qylmystyq quqyq buzýshylyqtardyń kóptegen túrleriniń ashylýy jaqsardy. Qoǵamdyq oryndar men kóshelerdegi qaýipsizdik deńgeii artty», delingen habarlamada.
Sondai-aq, tonaý, buzaqylyq, urlyq, qoǵamdyq oryndar men kóshelerdegi, sondai-aq kámeletke tolmaǵandar jasaǵan qylmystar sany úshten birge azaiǵan. Buryn sottalǵan adamdar jáne mas kúiinde jasalǵan kisi óltirý, qaraqshylyq sany qysqardy.
Sonymen qatar, IIM basshysy otbasylyq-turmystyq qatynastar, internet-alaiaqtyq salasyndaǵy qylmystarǵa, sondai-aq jol qaýipsizdiginiń jai-kúiine nazar aýdardy.
«Ishki ister organdarynyń basty mindetteriniń biri - quqyq buzýshylyqtyń aldyn alý jáne qaýipsiz qoǵamdyq orta qurý. Quqyqtyq tártipti qamtamasyz etýdiń nysandary men ádisterin jetildirý, sondai-aq halyqpen bailanysty jalǵastyrý qajet» – dedi Erlan Turǵymbaev.
Alqa jumysynyń qorytyndysy boiynsha ministr aldaǵy kezeńge politsiia qyzmetiniń eki negizgi baǵyty – quqyq buzýshylyqtardyń aldyn alý jáne qylmysqa qarsy kúres boiynsha mindetterdi belgiledi.
Quqyq buzýshylyq profilaktikasy salasynda:
neǵurlym kriminogendi ýchaskelerde statsionar beket ornatý, sondai-aq úiler aýlasynda, saiabaqta, skver jaiaý patrýldeý esebinen «jurtqa jaqyn politsiia» qaǵidatyn iske asyrýdy qamtamasyz etý;
qoǵamdyq oryndarda, eldi mekenderde jáne joldarda politsiianyń jedel basqarý ortalyqtarymen yqpaldasa otyryp, ziiatkerlik qaýipsizdik júielerin damytý boiynsha sharalar qabyldaý;
ýchaskelik politsiia pýnktteri jelisin damytýdy qamtamasyz ete otyryp, ýchaskelik inspektorlar qyzmetiniń jaraqtandyrylýyn arttyrý;
jol qozǵalysy qaýipsizdigi men jol infraqurylymyn baqylaýdy kúsheitý;
qylmystyq-túzeý mekemelerinde jappai beinebaqylaý engizý.
Qylmysqa qarsy kúres máseleleri boiynsha:
qylmystyq protsestiń úsh býyndy modeline kóshý boiynsha júrgizilip jatqan jumys sheńberinde sotqa deiingi tergep-tekserýdiń sapasy men ashyqtyǵyn jaqsartý;
kiberqylmyspen kúres bólimshelerin bilikti IT-mamandarymen, internet-alaiaqtyqqa qarsy tiimdi is-qimyldy qamtamasyz ete otyryp, qazirgi zamanǵy baǵdarlamalyq-tehnikalyq jabdyqtarmen nyǵaitý;
esirtki qylmysyna qarsy kúresti kúsheitý, sintetikalyq esirtkilerdiń, onyń ishinde internet-resýrstar arqyly taralýynyń jolyn kesý jóninde sharalar qabyldaý.
«Azamattardyń konstitýtsiialyq quqyqtaryn qorǵaý jáne qoǵamdyq qaýipsizdik osy mindetterdi tiisinshe oryndaǵan jaǵdaida qamtamasyz etiledi», - dep atap ótti IIM basshysy. Ishki ister organdaryn reformalaý sheńberinde jeke quram sany 10,5 myń birlikke, basshy laýazymdar sany 1,5 myńǵa qysqartylǵan.
Jalpy, IIO jańǵyrtý boiynsha Jol kartasynyń 127 pýnktiniń 90-y iske asyryldy.
IIM basshysy ministrlik Memleket basshysynyń politsiia jumysynyń servistik modelin qurý, azamattardyń qaýipsizdigi men konstitýtsiialyq quqyqtaryn qorǵaýdy qamtamasyz etý jáne ishki ister organdary qyzmetiniń tiimdiligin arttyrý jónindegi tapsyrmalaryn oryndaý boiynsha jumysty jalǵastyratynyn atap ótti.
