ٸشكٸ ٸستەر مينيسترٸ ەرلان تۇرعىمباەۆتىڭ تٶراعالىعىمەن كەڭەيتٸلگەن القا وتىرىسىندا ۆەدومستۆونىڭ 1-توقسانداعى قىزمەتٸ قورىتىندىلاندى, دەپ حابارلايدى "ۇلت اقپارات".
ۆەدومستۆو باسپاسٶز قىزمەتٸنٸڭ مەلٸمەتٸنشە, بەينەكونفەرەنتسييا بايلانىس رەجيمٸندە ٶتكەن جيىندا ٸشكٸ ٸستەر ورگاندارىنىڭ 1-توقسانىنداعى قىزمەتٸنٸڭ قورىتىندىلارى, سونداي-اق مەملەكەت باسشىسىنىڭ قوعامدىق قاۋٸپسٸزدٸكتٸ قامتاماسىز ەتۋ سالاسىنداعى تاپسىرمالارىن ٸسكە اسىرۋ جٶنٸندەگٸ شارالار قارالعان.
«وندا كريمينوگەندٸك جاعدايدىڭ جاقسارۋىنىڭ وڭ ديناميكاسى اتاپ ٶتٸلدٸ. جىل باسىنان بەرٸ قىلمىس دەڭگەيٸ 13 %-عا تٶمەندەدٸ.
پايداكٷنەمدٸك جەنە زورلىق-زومبىلىق قىلمىسىنىڭ سانى ايتارلىقتاي ازايدى. قىلمىستىق قۇقىق بۇزۋشىلىقتاردىڭ كٶپتەگەن تٷرلەرٸنٸڭ اشىلۋى جاقساردى. قوعامدىق ورىندار مەن كٶشەلەردەگٸ قاۋٸپسٸزدٸك دەڭگەيٸ ارتتى», دەلٸنگەن حابارلامادا.
سونداي-اق, توناۋ, بۇزاقىلىق, ۇرلىق, قوعامدىق ورىندار مەن كٶشەلەردەگٸ, سونداي-اق كەمەلەتكە تولماعاندار جاساعان قىلمىستار سانى ٷشتەن بٸرگە ازايعان. بۇرىن سوتتالعان ادامدار جەنە ماس كٷيٸندە جاسالعان كٸسٸ ٶلتٸرۋ, قاراقشىلىق سانى قىسقاردى.
سونىمەن قاتار, ٸٸم باسشىسى وتباسىلىق-تۇرمىستىق قاتىناستار, ينتەرنەت-الاياقتىق سالاسىنداعى قىلمىستارعا, سونداي-اق جول قاۋٸپسٸزدٸگٸنٸڭ جاي-كٷيٸنە نازار اۋداردى.
«ٸشكٸ ٸستەر ورگاندارىنىڭ باستى مٸندەتتەرٸنٸڭ بٸرٸ - قۇقىق بۇزۋشىلىقتىڭ الدىن الۋ جەنە قاۋٸپسٸز قوعامدىق ورتا قۇرۋ. قۇقىقتىق تەرتٸپتٸ قامتاماسىز ەتۋدٸڭ نىساندارى مەن ەدٸستەرٸن جەتٸلدٸرۋ, سونداي-اق حالىقپەن بايلانىستى جالعاستىرۋ قاجەت» – دەدٸ ەرلان تۇرعىمباەۆ.
القا جۇمىسىنىڭ قورىتىندىسى بويىنشا مينيستر الداعى كەزەڭگە پوليتسييا قىزمەتٸنٸڭ ەكٸ نەگٸزگٸ باعىتى – قۇقىق بۇزۋشىلىقتاردىڭ الدىن الۋ جەنە قىلمىسقا قارسى كٷرەس بويىنشا مٸندەتتەردٸ بەلگٸلەدٸ.
قۇقىق بۇزۋشىلىق پروفيلاكتيكاسى سالاسىندا:
نەعۇرلىم كريمينوگەندٸ ۋچاسكەلەردە ستاتسيونار بەكەت ورناتۋ, سونداي-اق ٷيلەر اۋلاسىندا, ساياباقتا, سكۆەر جاياۋ پاترۋلدەۋ ەسەبٸنەن «جۇرتقا جاقىن پوليتسييا» قاعيداتىن ٸسكە اسىرۋدى قامتاماسىز ەتۋ;
قوعامدىق ورىنداردا, ەلدٸ مەكەندەردە جەنە جولداردا پوليتسييانىڭ جەدەل باسقارۋ ورتالىقتارىمەن ىقپالداسا وتىرىپ, زيياتكەرلٸك قاۋٸپسٸزدٸك جٷيەلەرٸن دامىتۋ بويىنشا شارالار قابىلداۋ;
ۋچاسكەلٸك پوليتسييا پۋنكتتەرٸ جەلٸسٸن دامىتۋدى قامتاماسىز ەتە وتىرىپ, ۋچاسكەلٸك ينسپەكتورلار قىزمەتٸنٸڭ جاراقتاندىرىلۋىن ارتتىرۋ;
جول قوزعالىسى قاۋٸپسٸزدٸگٸ مەن جول ينفراقۇرىلىمىن باقىلاۋدى كٷشەيتۋ;
قىلمىستىق-تٷزەۋ مەكەمەلەرٸندە جاپپاي بەينەباقىلاۋ ەنگٸزۋ.
قىلمىسقا قارسى كٷرەس مەسەلەلەرٸ بويىنشا:
قىلمىستىق پروتسەستٸڭ ٷش بۋىندى مودەلٸنە كٶشۋ بويىنشا جٷرگٸزٸلٸپ جاتقان جۇمىس شەڭبەرٸندە سوتقا دەيٸنگٸ تەرگەپ-تەكسەرۋدٸڭ ساپاسى مەن اشىقتىعىن جاقسارتۋ;
كيبەرقىلمىسپەن كٷرەس بٶلٸمشەلەرٸن بٸلٸكتٸ IT-ماماندارىمەن, ينتەرنەت-الاياقتىققا قارسى تيٸمدٸ ٸس-قيمىلدى قامتاماسىز ەتە وتىرىپ, قازٸرگٸ زامانعى باعدارلامالىق-تەحنيكالىق جابدىقتارمەن نىعايتۋ;
ەسٸرتكٸ قىلمىسىنا قارسى كٷرەستٸ كٷشەيتۋ, سينتەتيكالىق ەسٸرتكٸلەردٸڭ, ونىڭ ٸشٸندە ينتەرنەت-رەسۋرستار ارقىلى تارالۋىنىڭ جولىن كەسۋ جٶنٸندە شارالار قابىلداۋ.
«ازاماتتاردىڭ كونستيتۋتسييالىق قۇقىقتارىن قورعاۋ جەنە قوعامدىق قاۋٸپسٸزدٸك وسى مٸندەتتەردٸ تيٸسٸنشە ورىنداعان جاعدايدا قامتاماسىز ەتٸلەدٸ», - دەپ اتاپ ٶتتٸ ٸٸم باسشىسى. ٸشكٸ ٸستەر ورگاندارىن رەفورمالاۋ شەڭبەرٸندە جەكە قۇرام سانى 10,5 مىڭ بٸرلٸككە, باسشى لاۋازىمدار سانى 1,5 مىڭعا قىسقارتىلعان.
جالپى, ٸٸو جاڭعىرتۋ بويىنشا جول كارتاسىنىڭ 127 پۋنكتٸنٸڭ 90-ى ٸسكە اسىرىلدى.
ٸٸم باسشىسى مينيسترلٸك مەملەكەت باسشىسىنىڭ پوليتسييا جۇمىسىنىڭ سەرۆيستٸك مودەلٸن قۇرۋ, ازاماتتاردىڭ قاۋٸپسٸزدٸگٸ مەن كونستيتۋتسييالىق قۇقىقتارىن قورعاۋدى قامتاماسىز ەتۋ جەنە ٸشكٸ ٸستەر ورگاندارى قىزمەتٸنٸڭ تيٸمدٸلٸگٸن ارتتىرۋ جٶنٸندەگٸ تاپسىرمالارىن ورىنداۋ بويىنشا جۇمىستى جالعاستىراتىنىن اتاپ ٶتتٸ.
