Almatyda ótken onlain brifing barysynda qala ákimi Baqytjan Saǵyntaev turǵylyqty mekenjaiy joq adamdardyń arasynan da 2 adamda koronavirýs anyqtalǵanyn aitty, dep habarlaidy QazAqparat.
Qala ákiminiń aitýynsha, olarǵa arnaiy qalashyq jasalyp, ómir súrýge qolaily orta jasalǵan.
Keibir BAQ betterinde qalashyqta koronavirýstan qaitys bolǵandar bar ekendigi aitylǵan bolatyn.
«Naýryzdyń aiaǵynda osyndai azamattardy jinap, olarǵa arnaiy shatyrly qalashyq ashylǵan bolatyn. Ystyq tamaq, jýynatyn bólme, barlyǵy qamtyldy. Biraq, bul adamdar bir orynda turmaidy eken. Olardy ustap otyrýda qiyndyqtar boldy. Bir adam qaitys bolǵan. Biraq, ol koronavirýstan emes, araqty kóp ishkennen qaitys boldy. Dárigerler olardan taldaý alǵanda eki adamda koronavirýs bar ekendigi anyqtaldy. Olar emdelip shyqty. Karantin rejimi aiaqtalǵanda, qalashyq taratyldy», - dedi qala ákimi.
