الماتىدا ٶتكەن ونلاين بريفينگ بارىسىندا قالا ەكٸمٸ باقىتجان ساعىنتاەۆ تۇرعىلىقتى مەكەنجايى جوق ادامداردىڭ اراسىنان دا 2 ادامدا كوروناۆيرۋس انىقتالعانىن ايتتى, دەپ حابارلايدى قازاقپارات.
قالا ەكٸمٸنٸڭ ايتۋىنشا, ولارعا ارنايى قالاشىق جاسالىپ, ٶمٸر سٷرۋگە قولايلى ورتا جاسالعان.
كەيبٸر باق بەتتەرٸندە قالاشىقتا كوروناۆيرۋستان قايتىس بولعاندار بار ەكەندٸگٸ ايتىلعان بولاتىن.
«ناۋرىزدىڭ اياعىندا وسىنداي ازاماتتاردى جيناپ, ولارعا ارنايى شاتىرلى قالاشىق اشىلعان بولاتىن. ىستىق تاماق, جۋىناتىن بٶلمە, بارلىعى قامتىلدى. بٸراق, بۇل ادامدار بٸر ورىندا تۇرمايدى ەكەن. ولاردى ۇستاپ وتىرۋدا قيىندىقتار بولدى. بٸر ادام قايتىس بولعان. بٸراق, ول كوروناۆيرۋستان ەمەس, اراقتى كٶپ ٸشكەننەن قايتىس بولدى. دەرٸگەرلەر ولاردان تالداۋ العاندا ەكٸ ادامدا كوروناۆيرۋس بار ەكەندٸگٸ انىقتالدى. ولار ەمدەلٸپ شىقتى. كارانتين رەجيمٸ اياقتالعاندا, قالاشىق تاراتىلدى», - دەدٸ قالا ەكٸمٸ.
