© Sputnik / Abzal Kaliev
Tuńǵysh Prezident - Elbasy týraly zań qashan kúshin joiatyny belgisiz. Bul jaiynda Ádilet ministri Qanat Mýsin aitty, dep habarlaidy Sputnik Qazaqstan.
Ministr Konstitýtsiiadan Tuńǵysh Prezidenttiń erekshe mártebesi týraly barlyq eskertpe alynyp tastalǵanyn atap ótti. Tiisinshe qazir otandyq zańnamany Konstitýtsiiaǵa sáikestendirý jumysy júrip jatyr.
"Árine, zańnama Konstitýtsiiaǵa sáikes keltiriledi. Tiisinshe, Tuńǵysh Prezident týraly zań boiynsha da onyń kúshin joiý týraly sheshim qabyldanady. Jumys josparly túrde júrgizilip jatyr. Ázirge naqty merzimi joq", - dedi Mýsin Úkimet kýlýarynda.
Aitýynsha, zańnamalyq bastama Úkimetke ǵana emes, Prezident pen Parlament depýtattaryna da tiesili. Sondyqtan Tuńǵysh Prezident týraly zańnyń kúshin joiý týraly sheshim depýtattardyń da bastamasymen qabyldanýy múmkin.
"Qazir mundai zań jobasy Ádilet ministrligine Parlamentten túsken joq. Túsken jaǵdaida pysyqtalady", - dedi ol.
