Qaraǵandy oblysynda urlanǵan bir úiir jylqyny aidap bara jatqan er adam daladan ustaldy, dep habarlaidy Polisia.kz saity.
7 qazan kúni Qaraǵandy oblysy Qarqaraly aýdany politsiia bóliminiń qyzmetkerleri «Ýchaske» jáne «Mal urlaý» jedel-izdestirý is-sharalaryn ótkizdi. Túnde saǵat 22.00-de olar daladan bir úiir jylqyny (30 jylqy) baiqaǵan. Kúdiktengen politsiia úiirdi aidaǵan jylqyshyny ustady.
«Bastapqyda jylqyshy bul óziniń jylqysy ekenin aitqan. Biraq politsiia barlyq jergilikti malshylardy jaqsy biletin bolǵandyqtan, onyń ailasy iske aspady. Ustalǵan azamat 58 jastaǵy Shyǵys Qazaqstan oblysynyń turǵyny bolyp shyqty. Ol buryn ishki ister organdarynda esepte turǵan», – dep atap ótti qaraǵandy oblysy PD basshysy Erlan Faizýllin.
Anyqtalǵandai, osydan 40 minýt buryn er adam shopan qystaǵynyń janynda jaiylyp júrgen 30 jylqyny urlap ketken. Jábirlenýshi – 47 jastaǵy aýyl turǵyny.
QR QK 188-1-baby «Mal urlyǵy» boiynsha qylmystyq is qozǵaldy . Tergeý amaldary júrgizilýde. Ustalǵan adam ýaqytsha ustaý izoliatoryna qamaldy.
