قاراعاندى وبلىسىندا ۇرلانعان بٸر ٷيٸر جىلقىنى ايداپ بارا جاتقان ەر ادام دالادان ۇستالدى, دەپ حابارلايدى Polisia.kz سايتى.
7 قازان كٷنٸ قاراعاندى وبلىسى قارقارالى اۋدانى پوليتسييا بٶلٸمٸنٸڭ قىزمەتكەرلەرٸ «ۋچاسكە» جەنە «مال ۇرلاۋ» جەدەل-ٸزدەستٸرۋ ٸس-شارالارىن ٶتكٸزدٸ. تٷندە ساعات 22.00-دە ولار دالادان بٸر ٷيٸر جىلقىنى (30 جىلقى) بايقاعان. كٷدٸكتەنگەن پوليتسييا ٷيٸردٸ ايداعان جىلقىشىنى ۇستادى.
«باستاپقىدا جىلقىشى بۇل ٶزٸنٸڭ جىلقىسى ەكەنٸن ايتقان. بٸراق پوليتسييا بارلىق جەرگٸلٸكتٸ مالشىلاردى جاقسى بٸلەتٸن بولعاندىقتان, ونىڭ ايلاسى ٸسكە اسپادى. ۇستالعان ازامات 58 جاستاعى شىعىس قازاقستان وبلىسىنىڭ تۇرعىنى بولىپ شىقتى. ول بۇرىن ٸشكٸ ٸستەر ورگاندارىندا ەسەپتە تۇرعان», – دەپ اتاپ ٶتتٸ قاراعاندى وبلىسى پد باسشىسى ەرلان فايزۋللين.
انىقتالعانداي, وسىدان 40 مينۋت بۇرىن ەر ادام شوپان قىستاعىنىڭ جانىندا جايىلىپ جٷرگەن 30 جىلقىنى ۇرلاپ كەتكەن. جەبٸرلەنۋشٸ – 47 جاستاعى اۋىل تۇرعىنى.
قر قك 188-1-بابى «مال ۇرلىعى» بويىنشا قىلمىستىق ٸس قوزعالدى . تەرگەۋ امالدارى جٷرگٸزٸلۋدە. ۇستالعان ادام ۋاقىتشا ۇستاۋ يزولياتورىنا قامالدى.
