Ulttyq densaýlyq saqtaý ortalyǵynyń qoǵamdyq densaýlyqty nyǵaitý ortalyǵynyń jetekshisi Jazira Emberdieva tumaýǵa qarsy ekpe jasaý tártibin túsindirdi, dep habarlaidy QazAqparat.
«Jiti respiratorlyq-virýstyq infektsiiasyna toqtalsaq, bul turǵyda aýrýǵa shaldyǵý qaýpi joǵary top bar. Birinshi kezekte halyqtyń álsiz tobyna vaktsina salynady. Olardyń qataryna sozylmaly derti bar jii aýyratyn 18 jasqa deiingi balalar, júkti áielder, 60-tan asqan qart adamdar, sondai-aq jabyq tiptegi mekemelerdegi adamdar (balalar úilerindegi tárbielenýshiler, meditsinalyq qyzmetkerler) kiredi. Alǵashqy meditsinalyq-sanitarlyq kómek uiymy men óńirlik tiisti departamentter jyl saiyn vaktsinalaý aldynda daiyndyq jumystaryn júrgizedi. Olar adamdardy emhanaǵa shaqyrtady», - dep túsindirdi Jazira Emberdieva.
Onyń sózine qaraǵanda, emhanaǵa barǵan kezde patsientti ýchaskelik dáriger qarap shyǵady. Osy oraida densaýlyq jaǵdaiyna turǵynnyń shaǵymdary suralyp, dene qyzýy ólshenedi. Eger de dansaýlyǵy qalypty deńgeide bolsa, onda patsient tumaýǵa qarsy ekpe saldyrýǵa jiberiledi. Vaktsina qoiylǵannan keiin, patsient jarty saǵat boiy emhanada baqylaýda bolady. Sonymen qatar, ýchaskelik qyzmet eki kúnniń barysynda beine bailanys boiynsha adamnyń jaǵdaiyn baqylap otyrady.
«Aldaǵy epidemiologiialyq kezeńge meditsinalyq uiymdarǵa JRVI men tumaýmen aýyrǵan adamdardy jatqyzý úshin qosymsha telefondar, avtokólik berildi», - dedi Jazira Emberdieva.
