ۇلتتىق دەنساۋلىق ساقتاۋ ورتالىعىنىڭ قوعامدىق دەنساۋلىقتى نىعايتۋ ورتالىعىنىڭ جەتەكشٸسٸ جازيرا ەمبەرديەۆا تۇماۋعا قارسى ەكپە جاساۋ تەرتٸبٸن تٷسٸندٸردٸ, دەپ حابارلايدى قازاقپارات.
«جٸتٸ رەسپيراتورلىق-ۆيرۋستىق ينفەكتسيياسىنا توقتالساق, بۇل تۇرعىدا اۋرۋعا شالدىعۋ قاۋپٸ جوعارى توپ بار. بٸرٸنشٸ كەزەكتە حالىقتىڭ ەلسٸز توبىنا ۆاكتسينا سالىنادى. ولاردىڭ قاتارىنا سوزىلمالى دەرتٸ بار جيٸ اۋىراتىن 18 جاسقا دەيٸنگٸ بالالار, جٷكتٸ ەيەلدەر, 60-تان اسقان قارت ادامدار, سونداي-اق جابىق تيپتەگٸ مەكەمەلەردەگٸ ادامدار (بالالار ٷيلەرٸندەگٸ تەربيەلەنۋشٸلەر, مەديتسينالىق قىزمەتكەرلەر) كٸرەدٸ. العاشقى مەديتسينالىق-سانيتارلىق كٶمەك ۇيىمى مەن ٶڭٸرلٸك تيٸستٸ دەپارتامەنتتەر جىل سايىن ۆاكتسينالاۋ الدىندا دايىندىق جۇمىستارىن جٷرگٸزەدٸ. ولار ادامداردى ەمحاناعا شاقىرتادى», - دەپ تٷسٸندٸردٸ جازيرا ەمبەرديەۆا.
ونىڭ سٶزٸنە قاراعاندا, ەمحاناعا بارعان كەزدە پاتسيەنتتٸ ۋچاسكەلٸك دەرٸگەر قاراپ شىعادى. وسى ورايدا دەنساۋلىق جاعدايىنا تۇرعىننىڭ شاعىمدارى سۇرالىپ, دەنە قىزۋى ٶلشەنەدٸ. ەگەر دە دانساۋلىعى قالىپتى دەڭگەيدە بولسا, وندا پاتسيەنت تۇماۋعا قارسى ەكپە سالدىرۋعا جٸبەرٸلەدٸ. ۆاكتسينا قويىلعاننان كەيٸن, پاتسيەنت جارتى ساعات بويى ەمحانادا باقىلاۋدا بولادى. سونىمەن قاتار, ۋچاسكەلٸك قىزمەت ەكٸ كٷننٸڭ بارىسىندا بەينە بايلانىس بويىنشا ادامنىڭ جاعدايىن باقىلاپ وتىرادى.
«الداعى ەپيدەميولوگييالىق كەزەڭگە مەديتسينالىق ۇيىمدارعا جرۆي مەن تۇماۋمەن اۋىرعان ادامداردى جاتقىزۋ ٷشٸن قوسىمشا تەلەفوندار, اۆتوكٶلٸك بەرٸلدٸ», - دەدٸ جازيرا ەمبەرديەۆا.
