18 qańtar kúni «Tumar» II Ulttyq televiziialyq syilyǵyna qatysýǵa ótinimderdi qabyldaý bastaldy, dep habarlaidy "Ult aqparat" QR Aqparat jáne kommýnikatsiialar ministrliginiń baspasóz qyzmetine silteme jasap.
Báigege 2017 jyly efirge shyqqan biregei televiziialyq jobalar qatysady. Oǵan televiziialyq ónim jasap otyrǵan ulttyq jáne aimaqtyq telekompaniialar, stýdiialar, prodiýserlik ortalyqtar jáne basqa da media óndiris uiymdary úmitker retinde qatysa alady.
Ótinimder 2018 jyldyń 1 naýryzyna deiin qabyldanady.
Biylǵy jeńimpazdar mynadai nominatsiialar boiynsha marapattalady: úzdik derekti kino, úzdik televiziialyq serial, úzdik áleýmettik joba, úzdik aqparattyq baǵdarlama, úzdik óńirlik telearna, úzdik aǵartýshylyq baǵdarlamasy, televiziialyq maýsymnyń úzdik oqiǵasy, «Televidenieniń 60 jyldyǵy» - televideniege qosqan úlesi úshin jáne úzdik oiyn-saýyq jobasy.
Sonymen birge, úzdik rejisserlik jumys, úzdik operatorlyq jumys, jyldyń úzdik telejúrgizýshisi men jyldyń úzdik telejýrnalisine syilyqtar tabys etiledi. Elordanyń 20 jyldyǵyna orai - Astana týraly úzdik joba syilyǵy da taǵaiyndalyp otyr.
Ádilqazylar alqasy jiberilgen materialdardy saraptamalyq baǵalaý nátijesi boiynsha, jasyryn daýys berý arqyly laýreattardy anyqtaidy. Ádilqazylar alqasy qazaqstandyq televidenieniń bilikti kásibi mamandarynan quralady.
«Tumar» Ulttyq televiziialyq báigesin QR Aqparat jáne kommýnikatsiialar ministrligi elimizdiń eń sapaly jáne ózekti ónimin anyqtaý arqyly qazaqstandyq sapaly televidenieni damytý, ilgeri jyljytý, televiziialyq ónim jasaýshy talantty kásibi mamandardy qoldaý maqsatynda bekitken edi.
Báigeni QR Aqparat jáne kommýnikatsiialar ministrliginiń qoldaýymen «Qazmedia ortalyǵy» uiymdastyrady.
Tolyqqandy aqparatty báigeniń resmi saitynan alýǵa bolady.
