Elbasy N.Ə.Nazarbaevtyń "Bolashaqqa baǵdar: Rýhani jańǵyrý" maqalasyndaǵy "Týǵan jer" baǵdarlamasyn júzege asyrý maqsatynda uiymdastyrylǵan "Týǵan jer-altyn besigim" oblystyq festivali aiasynda Túlkibas aýdanynyń Shymkent qalasyndaǵy kúnderi ótti, dep habarlaidy «Ult aqparat» aimaq basshysynyń baspasóz qyzmetine silteme jasap.
Ońtústiktiń shyǵys qaqpasy sanalatyn Túlkibas óńiri bir kún boiy Shyraily Shymkent halqyna óz ónerlerin pash etti. Festivalde aýylsharýashylyq jármeńkesi uiymdastyrylyp, aýdan sharýalary 45 tonna jemis jáne baý sharýashylyǵy boiynsha ónimderin usyndy. Onyń ishinde aýdannyń brendi bolyp tabylatyn alma baýyna halyqtan suranys kóp boldy.
Festivaldiń jalǵasy oblystyq Otyrar kitaphanasynda jalǵasyp, «Týǵan jerge týyn tikken qalamger» taqyrybynda Túlkibas aýdanynan shyqqan aqyn-jazýshylarmen kezdesý ótti. Kezdesýde jazýshy –jýrnalist M.Baiǵut, satira sańlaǵy A.Boranbaev syndy aqyn -jazýshylar óz shyǵarmalarynan úzindiler oqyp, oqyrman saýaldaryna jaýap berdi. Tushymdy oi aitty.
Festivalde alashtyń joǵyn joqtap, muńyn arqalaǵan qazaq halqynyń uly perzenti, qoǵam jáne memleket qairatkeri T.Rysqulov jaiynda film kórsetilip, halqymyzdyń ulttyq salt-dástúrin, ádep –ǵuryptarynan kórinister kórsetilip, aýdan ónerpazdary ónerdiń birqatar janrlary boiynsha óz ónerlerin kórsetti.
Festivalde aýdan ákimi N.Turashbekov sóz sóilep, barsha halyqty festivaldy tamashalaýǵa shaqyrdy. Is-sharaǵa 1500-ge jýyq kórermen qatysty.
