Túlkibas aýdanynda halyqtyń áleýmettik-ekonomikalyq turǵydan damýyna tikelei áser etetin negizgi salalar qarqyn alyp damyp keledi. Máselen, agroónerkásiptik keshendi damytý aiasynda aýdanda ótken jyldan beri 24 aýyl sharýashylyǵy kooperativi qurylǵan. Sondai-aq, Túlkibastyń brendi bolyp sanalatyn alma baý sharýashylyǵy jyldam qarqynmen damyp keledi. Aýdanda qazirgi tańda 3077 ga baý alqaby bolsa, onyń ishinde qarqyndy baý kólemi 230 ga. Belgilengen josparǵa sáikes, aýdanda biylǵy jyly 356 ga jerge alma baý egilse, onyń 115 gektary qarqyndy baý. Munan bólek, jyl basynan beri Túlkibasta 10-15 basqa arnalǵan 251 birlik shaǵyn mal bordaqylaý alańy men 5-10 bastyq 81 birlik januialyq sút fermasy jáne 600 bastyq shaǵyn qus fermasy ashyldy.
Túlkibastaǵy týrizmniń de keiingi kezderi keńge qanat jaiýy kóńil qýantady. Jyl basynan beri onda birneshe demalys oryndary ashylǵan. Mysaly, aýdandaǵy Kereit aýylynda bir mezette 1000 adamdy qabyldaýǵa shaqtalǵan otbasylyq demalys kesheni ashylsa, jaqyn kúnderi Jabaǵyly eldi mekeninde 70 adamǵa shaqtalǵan «Jailaý» emdeý saýyqtyrý ortalyǵy men Halyqaralyq «Batys Eýropa-Batys Qytai» jol boiynan jolaýshylarǵa arnalǵan servistik qyzmet kórsetý ortalyǵyn ashylý josparlanýda.
Al «Nurly jer» turǵyn úi baǵdarlamasy boiynsha berilgen tapsyrmalar biyldan iske asyryla bastaidy. Túlkibas aýdanynda búgingi tańda 1322 otbasy turǵyn úige kezekke tirkelse, olardy baspanamen qamtamasyz etý úshin 2018-2020 jyldary 3 eldi mekende - Túlkibas, Sastóbe poselkelerinde jáne T.Rysqulov aýylynda 1472 páterli 28 turǵyn úi salý josparlanyp jatyr.
