«Týǵan jerim – Qazaqstanym». Osyndai ataýmen «Qoǵamdyq kelisim» úiinde ózge ult ókilderi arasynda poeziia baiqaýy ótti. «Adyrna» ulttyq etnografiialyq birlestiginiń uiymdastyrýymen ótken baiqaýda 14-29 jas aralyǵyndaǵy túrli etnos ókilderi týǵan jer jaily shyǵarmalardy jatqa oqydy.
Jastardyń arasynda qazaq halqynyń tili men mádenietin nasihattaý maqsatynda uiymdastyrylǵan sharaǵa 20-dan astam ótinish kelip túsken. Ár talapker saiys sharty boiynsha óleń shýmaqtaryn mánerlep oqýdan ózara tartysqa tústi. Baiqaý barysynda orys, nemis, ýkrain ultynyń ókilderi óleń oqýdaǵy sheberlikterin kórsetti.
«Bul jobanyń negizgi ózegi Almatyda 22-shi qarashaǵa qarai ótetin bolady. Baiqaýdyń qosymshasy retinde biz soltústik óńirlerde ásirese, ózge ult ókilderi basym aimaqtarda ózge ult ókilderiniń arasynan qazaq poeziiasyn oqý boiynsha baiqaý uiymdastyrdyq. Biz buǵan deiin Qostanai qalasynda shara ótkizdik. Olardyń qazaq tilin bilýge, qazaq poeziiasyn oqýǵa ásirese, otanshyldyq taqyryptaǵy óleńderdi oqýǵa degen talpynystary bárimizdi qýantady. Tek myqty jeńimpazdar ǵana jeńiske jetsin degen tilektemiz», - deidi «Adyrna» ulttyq etnografiialyq birlestigi qoǵamdyq qorynyń prezidenti Arman Áýbákir.
«Baiqaý qatysýshysy Karina Root qazaq tilin jastaiynan jetik meńgergen. Búginde ol memlekettik tilde jaqsy sóileidi. Týyp-ósken jerińniń tilin, mádenietin bilý – paryzyń dep sanaidy», - deidi Qazaqstan halqy Aqmola assambleiasy hatshylyǵynyń meńgerýshisi Marziiat Iýsýpovna Tohaeva.
Baiqaý qatysýshysy Karina Root: «Osy konkýrs jaiynda estigen kezde birden qatysamyn degen sheshimge keldim. Konkýrs jaily aitatyn bolsam, qatysýshylardyń barlyǵy jaqsy deńgeide daiyndalyp kelgen. Qatysýshylarǵa sáttilik, ózime jeńis tileimin. Meniń oqý ornymnan taǵy da eki qyz qatysyp jatyr. Ekeýi de jaqsy daiyndalyp keldi. Óleńderiniń maǵynalary tereń, jaqsy. Meniń oiymsha, búgin qatysyp jatqan qatysýshylardyń ishinde barlyǵy qazaqsha biledi jáne qazaq tilinde erkin sóilei alady», - deidi.
Aita keteiik, «Týǵan jer» respýblikalyq jobasy aiasynda ótken poeziia baiqaýy Petropavl, Pavlodar qalalarynda jalǵasyn tappaq.
