2017 jylǵy 17 mamyrda «Rýhani jańǵyrý» qoǵamdyq sanany jańǵyrtý baǵdarlamasynyń quramdas bóligi bolyp tabylatyn «Týǵan jer» baǵdarlamasy boiynsha Sarapshylar keńesiniń birinshi otyrysy ótti, - dep habarlaidy "Ult aqparat".
Sarapshylar keńesi L.Gýmilev atyndaǵy Eýraziia ulttyq ýniversitetiniń bazasynda qurylǵan, onyń quramyna bedeldi qoǵam jáne ǵylym qairatkerleri, úkimettik emes uiymdardyń ókilderi, jetekshi sarapshylar men mamandar kiredi.
Sarapshylar keńesinde «Týǵan jer» baǵdarlamasyn júzege asyrýdyń basty tujyrymdamalyq ustanymdary qaraldy. Bul baǵdarlama tórt bólikten turady: «Tárbie jáne bilim», «Atameken», «Rýhani Qazyna», «Aqparat tolqyny». Atalǵan baǵdarlamalar 14 basty baǵyttar boiynsha júrgiziledi, olardyń árqaisysy boiynsha tiisti jobalar men is-sharalar iske asyrylatyn bolady.
Baǵdarlamany tiimdi júzege asyrý maqsatynda jobalyq basqarýdyń ádisnamasyn qoldaný jóninde sheshim qabyldandy.
Otyrys barysynda Sarapshylar keńesiniń tóraǵasy - L.Gýmilev atyndaǵy Eýraziia ulttyq ýniversitetiniń rektory E.Sydyqov Memleket basshysynyń «Bolashaqqa baǵdar: rýhani jańǵyrý» atty baǵdarlamalyq maqalasynyń mańyzdylyǵyn atap aitty, onda patriotizmdi qalyptastyrý, salt-dástúrimizdi, mádenietimiz ben biregei ulttyq kodymyzdy saqtaý siiaqty mańyzdy basymdyqtar aiqyndalǵan.
Sarapshylar keńesiniń músheleri tujyrymdamalyq ustanymdar boiynsha naqty usynystar men usynymdar berdi.
Keńestiń búgingi jumysyn qorytyndylai kele, E.Sydyqov talqylaýdyń syndarly bolǵanyn, onyń «Týǵan jer» baǵdarlamasynyń tujyrymdamalyq ustanymdaryn jetildirýge tigizetin paidasyn atap aitty, sondai-aq Sarapshylar keńesiniń múshelerine sarapshylar men konsýltanttar retinde jobalyq toptardyń jumysyna jáne iske asyrylyp jatqan jobalardy monitoringteýge belsendi qatysýdy usyndy.
Sarapshylar keńesiniń birinshi otyrysynyń qorytyndysy boiynsha «Týǵan jer» baǵdarlamasynyń tujyrymdamalyq ustanymdary maquldandy.
